اوه مؤسسو سره د همکارۍ هوکړه ليکونه لاسليک شول

naweed_admin
سه‌شنبه ۱۴۰۱/۹/۸ - ۱۴:۳۲
E

دغه هوکړه ليکونه، نن د کار او ټولنيزو چارو وزارت سرپرست ملا عبدالولي څارنوال( حاجي وارث) په داسې حال کې چې د وزارت مقام د دفتر رئيس ملا شرف الدين شرف هم حضور درلود، د وطن ځوانانو ټولنيزې، د رازي ټولنيزې او پراختيايي، وارچايلد انګلستان، د افغانستان پراحتيا او تقويې، د ښځو لپاره د ټولنيزو خدمتونو او سوزو نړيوالې مؤسسې استازو سره لاسليک کړل. 
د يادو هوکړه ليکونو له مخې به د وطن ځوانانو ټولنيزې مؤسسې له لوري فارياب، بغلان او کندز ولايتونو کې د (۵۶۳۴۱۶۶۴) افعانيو په ارزښت د ماشومانو ساتنې مختلفو برخو، د رازي ټولنيزې او پراختيايي مؤسسې له لوري بادغيس، فراه او غور ولايتونو کې د (۷۷۸۴۱۸) امريکايي ډالرو په ارزښت د فني او حرفوي زده کړو شپږ مرکزونو جوړولو، د وارچايلد انګليستان مؤسسې له لوري فراه، هرات، بادغيس او غور ولايتونو کې د (۱۱۸۵۳۹۳۴) افغانيو په ارزښت د ماشوم ساتنې او يو ملاتړيز مرکز جوړولو، د افغانستان پراختيا او تقويې مؤسسې له لوري د (۶۶۰۰۰) زره امريکايي ډالرو په ارزښت کابل کې د يو غيرې دولتي روزنتون ملاتړ، د ښځو لپاره د ټولنيزو خدمتونو مؤسسې له لوري بلخ کې د (۳۲۵۰۰۰) امريکايي ډالرو په ارزښت د فني او حرفوي زده کړو مرکز جوړول او سوزو نړيوالې مؤسسې له لوري د (۱۰۹۳۶۰) امريکايي ډالرو په ارزښت کابل کې د فني او حرفوي زده کړو او (۱۳۷۵۱۰) امريکايي امريکايي ډالرو په ارزښت د بې سرپرسته ماشومانو ملاتړ برخو کې خدمتونه وړاندې شي. 
د هوکړه ليکونو د لاسليک کولو پر مهال د کار او ټولنيزو چارو وزارت سرپرست ملا عبدالولي څارنوال( حاجي وارث) د يادو مؤسسو او بنسټونو له مسؤلينو و غوښتل؛ څو خپل ټول کارونه د هوکړه ليکونو او اسلامي امارت د اصولو پر بنسټ پلي او وخت په وخت وزارت سره خپل کاري راپورونه هم شريک کړي. نوموړي همدارنګه د مؤسسو استازو سره په خبرو کې وويل: ټول هغه کارکوونکي چې دې پروژو کې استخدام کيږي، بايد د کار او ټولنيزو چارو وزارت مرکزي او ولايتي باصلاحيته استازو او مسؤلينو سره په همغږي استخدام شي. 
د مؤسسو استازو د خپلو خبرو په ترڅ کې د کار او ټولنيزو چارو وزارت سرپرست او همکارانو څخه د مننې ترڅنګ ژمنه وکړه، چې ټولې کړنې به د کار او ټولنيزو چارو وزارت رهبرۍ او مسؤلينو سره په ښه همغږۍ او لارښوونه مخته يوسي.

تازه خبرونه

یکشنبه ۱۴۰۲/۱۲/۲۰ - ۱۵:۴۰
Background image

۵۱۲ تنه له اعتیاد څخه رغېدلي اشخاص د فني او حرفوي زده‌کړو له مرکزه فارغ شول؛


د کار او ټولنیزو چارو وزارت د پلچرخي (امېد کمپ) د فني او حرفوي ز ده‌کړو له مرکزه ۵۱۲ تنه له اعتیاد څخه رغېدلي اشخاص د څلورو میاشتنیو زده‌کړو ترلاسه کولو وروسته فارغ او د وزارت د رهبرۍ. . .

یکشنبه ۱۴۰۲/۱۲/۲۰ - ۱۵:۳۴
Background image

کابل کې سلګونه امارتي او غیر امارتي کارمندانو ته د ظرفیتونو لوړولو زمینه برابره شوه؛


د کار او ټولینزو چارو وزارت انسټیټیوټ مسوولین وایي، چې سلګونه امارتي او غیرامارتي کارمندانو ته یې د ظرفیت لوړولو زمینه برابره کړې ده. 
دا انسټیټیوټ د نویو استخدام شوو امارتي او غیر. . .

شنبه ۱۴۰۲/۱۲/۱۹ - ۱۰:۴۶
Background image

پکتیا کې له ۳۵۰ تنو یتیمو او بې سرپرسته ماشومانو سره نقدي مرسته وشوه؛


د پکتیا ولایت د کار او ټولنیزو چارو ریاست په همکارۍ او د ترکیې هېواد د یوه خیریه بنسټ په مالي ملاتړ د دې ولایت له  ۱۰۰  تنو یتیمو او بې‌سرپرسته ماشومانو سره نقدي مرسته وشوه.
یاده مرسته. . .

بیرته خبرونو ته