تورخم کې د کار او ټولنیزو چارو وزارت مؤظف تخنیکي ټيم، بیا راستنېدونکو هېوادوالو ته د خدماتو وړاندې کولو په لړ کې پرون د یکشنبې په ورځ ۷۷۱تنه کډوال سیستم کې ثبت کړل
د افغانستان د اسلامي امارت له لوري بېرته راستنېدونکو کډوالو ته د خدماتو د تنظیم کمیټې سره په همغږۍ او د کار او ټولنیزو چارو سرپرست وزیر الحاج ملا عبدالمنان عمري د هدایت په اساس، تورخم ته د دې وزارت استول شوی تخنیکي ټیم پرون یکشنبه ۷۷۱تنه بېرته راستانه شوي کډوال سیستم کې ثبت او په مختلفو برخو کې هغوی سره مرسته کړېده.
پرون یکشنبه د کار او ټولنیزو چارو وزارت تخنیکي ټیم د خپلو تېرو فعالیتونو په دوام؛ و توانېد چې تورخم کې۷۷۱تنه بېرته راستنېدونکي کډوال سیستم کې ثبت کړي او د هغوی تعلیمي او تحصیلي سویې او فن او حرفو ته یې لاسرسی هم تثبیت کړي. په همدې توګه د کار او ټولنیزو چارو وزارت د زیانمنو اقشارو ستونزو د رسیدګي سربېره د ترانسپورت د تنظیم او روغتیايي مراکزو ته د بېرته راستنېدونکو کډوالو د لاسرسي په برخو کې هم فعاله ونډه ولري.
