د مالي او اداري چارو معین؛ د ارزګان ولایت د کار او ټولنیزو چارو رئیس سره وکتل
د کار او ټولنیزو چارو وزارت د اداري او مالي چارو معین مولوي دینمحمد حقبین د ارزګان ولایت د کار او ټولنیزو چارو رئیس مولوي ګل آغا حافظ اتل سره د خپل کار په دفتر کې وکتل.
په کتنه کې د ارزګان ولایت د کار او ټولنیزو چارو رئیس ګلآغا حافظ اتل د دې ریاست اړوند ستونزو، فرصتونو، فعالیتونو او لاسته راوړنو په اړه معلومات شریک او د وزارت له لوري د ارزګان ولایت ادارې ته د پاملرنې او ملاتړ څخه یې د مننې ترڅنګ ژمنه وکړه، چې هېوادوالو ته به د مؤثرو او ګټورو خدماتو په وړاندې کولو کې لا زیات هلې ځلې کوي.
ورپسې د کار او ټولنیزو چارو وزارت د مالي او اداري چارو معین مولوي دینمحمد حقبین په خپلو خبرو کې د ارزګان ولایت د کار او ټولنیزو چارو ریاست د هڅو او لاسته راوړنو څخه د ستاینې ترڅنګ، وویل: د کار او ټولنیزو چارو وزارت به د دې ریاست د ادارې په پیاوړتیا او د کارکوونکو په ظرفیت لوړونه کې خپل ملاتړ روان ساتي.
مولوي حقبین همدارنګه، د بودجې د مصرف، د فني او حرفوي زدهکړو، رد مرزي ماشومانو، زیانمنو اقشارو او د ادارې د لا ښه والي په موخه لازمې سلامشورې او سپارښتې وکړې
