د مالي او اداري چارو معینیت اړوند ریاستونو، خپل کاري راپورونه او وړاندیزونه د وزارت له نوې رهبرۍ سره شریک کړل.
دغه ناسته چې د کار او ټولنیزو چارو سرپرست بشیر احمد ته ینج په مشرۍ جوړه شوې، په کې د مالي او اداري چارو مرستیال مسعود الله اوریاخیل وویل، چې د یاد معینیت تر چتر لاندې شپږ ریاستونه په ښه همغږۍ کار کوي؛ نوموړي د راپور ورکولو ناسته کې د رئيسانو څخه و غوښتل، څو وخت ته په کتو خپل راپورونه په لنډ ډول وړاندې کړي.
وروسته د معلوماتي تکنالوژۍ، اطلاعاتو او عامه اړیکو، بشري سرچینو، مالي او حسابي، تدراکاتو، مالي او اداري ریاستونو مشرانو د ریاستونو کړنې، لاسته راوړنې، ستونزې او د ستونزو د حل په موخه وړاندیزونه د وزارت له رهبرۍ سره شریک او د رهبرۍ د لا زیاتې پاملرنې غوښتنه یې و کړه.
د کار او ټولنیزو چارو سرپرست بشیر احمد ته ینج د ریاستونو راپورونو له اوریدو وروسته، مسؤلینو ته لازمې لارښوونې و کړې، ښاغلي ته ینج له ټولو رئیسانو وغوښتل؛ څو کارمنددانو ته د کاري انګیزې په ور کولو سره په داخل د وزارت کې په ښه همغږۍ کار او همدارنګه د مراجعینو کارونه په ښه توګه اجرا کړي.
