د کار او ټولنيزو چارو وزارت سرپرست د مرسي کور مؤسسې رييس سره وکتل.

naweed_admin
یکشنبه ۱۴۰۱/۳/۱ - ۲۲:۱۴
W

د کار او ټولنيزو چارو وزارت سرپرست ملا عبدالولي څارنوال( حاجي وارث) د افغانستان لپاره د مرسي کور موسسې رييس ښاغلي جک سره خپل کاري دفتر کې وکتل.

دې ليدنه کې دواړو لوريو د مرسي کور مؤسسې د فني او حرفوي زده کړو پروژې او د يادې پروژې اړوند د هوکړه ليک لاسليکولو اړوند خبرې وکړې. 
د مرسي کور دفتر مشر د خپلو خبرو په ترڅ کې د يادې پروژې پيل کيدو اړوند خبرې وکړې و يې ويل، چې ياده پروژه به هرات او کندهار ولايتونو کې پلي شي؛ خو په لومړي سر کې د کار او ټولنيزو چارو وزارت سره د يادې پروژې اړوند هوکړه ليک اړين و باله؛ نوموړي زياته کړه که چيرته د يادې پروژې اړوند هوکړه ليک لاسليک نه شي؛ نو ياده پروژه به نږدې ورځو کې د تمويل کوونکو لخوا لغوه اعلان شي، چې دا به د افغانانو په ځانګړې توګه د هرات او قندهار خلکو لپاره يو لوی فرصت ضايع کول وي. 
د کار او ټولنيزو وزارت سرپرست ملا عبدالولي څارنوال( حاجي وارث) ورته پروژې د افغانانو لپاره مهمې و بللې و يې ويل چې موږ د ټولو هغو موسسو هوکړه ليکونه چې د فني او حرفوي زده کړو برخه کې کار کوي، لاسليک کوو؛ خو هڅه کوو دغه هوکړه ليکونه په دقيق توګه و څيړو؛ څو د ټولو پروژو پيسې په دقيق او د امارت اسلامي د شرايطو او پاليسو په رڼا کي مصرف شي. 
ملا عبدالولي څارنوال( حاجي وارث) همدارنګه وړانديز وکړ؛ څو ياده پروژه د ولايتونو( قندهار او هرات) په سطحه نه بلکې د زونونو په سطحه پلي کړل شي؛ څو د زونونو په سطحه د نور ولايتونو خلک هم ترې برخمن شي.
دې ليدنه کې هوکړه و شوه، چې راتلونکې سه شنبه به د دواړو لوريو( کار او ټولنيزو چارو وزارت او مرسي کور مؤسسې) تخنيکي ټيمونو سره ګډه ناسته و کړي او د هوکړه ليک اړوند به تر هر اړخيز بحث وروسته د يادې پروژې د هوکړه ليک لاسليک کولو او کار پيل کولو اړوند پريکړه و شي.

آخرین اطلاعیه هاآخرین اطلاعیه ها

پنجشنبه ۱۴۰۰/۲/۱۶ - ۹:۲۱
Background image

خبرتیا

د غویی اتمه (د افغانستان د خلکو د مقدس جهاد د بریا ورځ) په هیواد کې عمومي رخصتي ده.

تازه خبرونه

چهارشنبه ۱۴۰۱/۴/۱ - ۱۵:۵۸
Background image

د کار او ټولنيزو چارو وزارت سرپرست وزير د ډاکار مؤسسې استازو سره و کتل


د کار او ټولنيزو چارو وزارت سرپرست وزير ملا عبدالولي څارنوال( حاجي وارث) د ډاکار مؤسسې استازي محيب الرحمن فائز او همکار سره خپل کاري دفتر کې وکتل.
دې ليدنه کې د ډاکار مؤسسې استازو. . .

چهارشنبه ۱۴۰۱/۳/۱۸ - ۱۱:۲۴
Background image

د افغانستان اړوند خبرو ناسته ( پوهنې، لوړو زده کړو او فقر) کې د کار چارو مرستيال ګډون

د کار چارو مرستيال مولوي مخدوم عبدالسلام سعادت د افغانستان اړوند خبرو ناسته کې چې د آسيا نړيوال مطالعاتي او څيړنيز بنسټ له لوري کانټينينټال هوټل کې جوړه شوې وه ګډون وکړ او په افغانستان. . .

سه‌شنبه ۱۴۰۱/۳/۱۷ - ۱۳:۵۲
Background image

د کار او ټولنیزو چارو وزارت مالي او اداري مرستیال مولوي دین محمد حقبین له نامتوتی دیني عالم او مجاهد مولوي حاجی احمدګل سره ولیدل


د کار او ټولنیزو چارو وزارت مالي او اداري مرستیال مولوي دین محمد حقبین  په خپل کاري دفتر کې د هیواد له نامتوتی دیني عالم او مجاهد مولوي حاجی احمدګل سره ولیدل.
په دې کتنه کې د پکتیا،. . .

بیرته خبرونو ته