د کار او ټولنیزو چارو او د کورنیو چارو وزیرانو کتنه
د کار او ټولنیزو چارو وزیر، الحاج ملا عبدالمنان عمري د کورنیو چارو له وزیر، الحاج خلیفه سراجالدین حقاني سره د اړوندو مواردو په اړه وکتل.
کتنه کې دواړو لوریو په هېواد کې د سرتاسري امنیت په برخه کې د روانو هلو ځلو او په دې برخه کې د هېوادوالو د نږدې همکارۍ، کورنۍ او بهرنۍ پانګهاچوونې ته د مساعد چاپیریال، د نویو کاري فرصتونو د رامنځته کېدو، د کار ملي کانفرانس د ژمنو پر تعقیب، د مسلکي مهارتونو د پیاوړتیا، د ټولنیزو ستونزو د تشخیص او هغوی تهد حللارو په لټولو، د ورکو شویو او بېسرپرستو ماشومانو او د زیانمنو ډلو څخه د ملاتړ د څرنګوالي په اړه مفصل بحثونه او خبرې وکړې.
ناسته کې په اړوندو برخو کې د دواړو وزارتونو ترمنځ د همکاریو په پراختیا او نږدېوالي هم ټینګار ترسره او ژمنې وشوې، چې په دې برخو کې به روانې هڅې پیاوړې او لا همغږې شي، ترڅو هېوادوالو ته په مختلفو ساحو کې لازم خدمات وړاندې او له حقوقو څخه یې دفاع وشي.
