د کار مرستیال

د کار محترم معین ښاغلي سید عبدالکریم هاشمي لنډ ژوندلیک

ښاغلی سید عبدالکریم هاشمي په ۱۳۳۴ هجري شمسي کال کې د کندز ولایت په یوه دینداره کورنۍ کې نړۍ ته سترګې غړولي.

ښاغلی هاشمي د کندز ولایت له سیمه ایزې لیسې څخه فارغ او د کابل پوهنتون له کرهڼې پوهنځي څخه لیسانس ترلاسه او له هغه وروسته یې د لنډ مهال لپاره په سویس هیواد کې فرانسوي ژبې زده کړه هم سرته رسولي ده.

سید عبدالکریم هاشمي  خپله لمړنی دنده د کلیو بیارغونې او پراختیا په وزارت کې پیل کړه؛ وروسته بیا د حکومت لخواه د هیواد په شمال او شمال ختیځ کې د شخړو د حل مسوول په توګه وګمارل شو او بیا د کلیو بیارغونې او پراختیا وزارت تخنیکي مرستیال په توګه مقرر شو.

همداراز ښاغلي هاشمي په منځنی آسیا هیوادونو ) روسیه، ایران او یو څه نور اروپايي هیوادونو( کې د کډوالی په انسجام کې د جلاالتمآب ولسمشر استازی په توګه دنده ترسره کړه چې د افغان مهاجرینو هر ډول ستونزو ته یې هر اړخیزه حل لارې پیدا کړي.

نوموړی بیا وروسته د لوګر ولایت والي په توګه په دنده پیل وکړ او اوس هم له نیکه مرغه د کار او ټولنیزو چارو وزارت د کار معینیت دنده پرغاړه لري.

یادولو وړ ده چې هاشمي په پاړسي او پښتو ژبو تسلط لري او له فرانسوي او انګلیسي ژبو سره بلدتیا لري.