د کار نړیوال سازمان له مسؤلینو سره د همغږۍ ناسته وشوه؛
د کار او ټولنیزو چارو وزارت د کار چارو معین مولوي محمد زاهد احمدزي، افغانستان کې مېشت د کار نړیوال سازمان د دفتر له رئیس ښاغلي رامین بهزاد سره کتنه کې د علاقې وړ مواردو په اړه بحث وکړ.
دا کتنه چې د کار چارو معین د کار په دفتر کې ترسره شوه؛ په کې دواړو لوریو د کار او ټولنیزو چارو وزارت او د کار نړیوال سازمان د دفتر ترمنځ د نږدې کاري اړیکو، مختلفو برخو کې د همکاریو د پراخېدو، وروسته پاتې ولایتونو کې ځوانانو ته د ښوونیزو پروګرامونو او ځینو نورو مواردو په اړه خبرې وکړې.
مولوي محمد زاهد احمدزي همداراز خپلو خبرو کې د کار نړیوال سازمان کلنیو کانفرانسونو کې د کار او ټولنیزو چارو وزارت او اړونده برخو د استازو د فعاله حضور او ونډې اخیستنې په اړه ټینګار وکړ او له ښاغلي رامین بهزاد یې وغوښتل، چې په دې تړاو دې د یاد سازمان له لوړپوړو مسؤلینو سره په تماس کې شي. چې د نوموړي له لوري د همکارۍ ډاډ څرګند شو
