د کار چارو معین د برک مؤسسې له مشر سره وکتل

naweed_admin
چهارشنبه ۱۴۰۳/۲/۲۶ - ۲۰:۵۱
R


د کار او ټولنیزو چارو وزارت د کار چارو معین مولوي محمد زاهد احمدزي په افغانستان کې د برک مؤسسې مشر مدحون اتي سره د خپل کار په دفتر کې وکتل.
په دې کتنه کې د کار چارو معین مولوي محمد زاهد احمدزي مېلمنو ته د ښه راغلاست سربېره په هېواد کې د دوی فعالیتونه او هڅې وستایلې او زیاته یې کړه: موږ په هېواد کې د بېلا بېلو مؤسساتو له مشرانو او مسؤلینو سره د کتنو پرمهال له دوی غوښتنه کړې ده، چې د افغانستان اسلامي امارت د پالیسو مطابق او د کار او ټولنیزو چارو وزارت سره په همغږۍ د هېواد په مختلفو برخو کې خپلو فعالیتونو ته پراختیا ورکړي، ترڅو له دې لارې د بېوزلۍ او بېکارۍ کچه ټيټه او هېوادوالو ته د کار بازار مطابق کاري فرصتونه برابر شي.
د برک مؤسسې مشر د خپلو خبرو په جریان کې د دې مؤسسې د فعالیتونو او لاسته‌رواړنو په اړه معلومات شریک کړل او همدارنګه یې په افغانستان کې د بېوزلۍ او بېکارۍ کچې د ټیټولو او ځوانانو ته د کاري فرصتونو برابرولو په برخه کې د کار او ټولنیزو چارو وزارت هڅې مثبتې وارزولې. 
د برک مؤسسې مشر مدحون اتي همدارنګه وویل: غواړي د کار او ټولنیزو چارو وزارت سره په دې نږدې راتلونکي کې د دوه میلیونه ډالرو په ارزښت هوکړه‌لیکونه لاسلیک کړي، چې په دې سره به په مختلفو ولایتونو کې به ځوانانو ته د کار بازار د اړتیا مطابق د زده کړو زمینه برابره شي. 
په پای کې د کار چارو معین مولوي محمد زاهد احمدزي وویل: د کار او ټولنیزو چارو وزارت تل هڅه کوي، چې هېوادوالو او په ځانګړې توګه ځوانانو ته د غوره کاري فرصتونو زمینه برابر کړي او په دې برخه کې له تاسې څخه هم مننه کوو، چې یادې موخې ته د رسېدو په لار کې له یاد وزارت څخه خپلې همکارۍ نه سپموي.

تازه خبرونه

چهارشنبه ۱۴۰۳/۲/۲۶ - ۲۰:۵۷
Background image

د کار چارو معین په افغانستان کې د خوړو نړیوال سازمان له رئیسې سره ولیدل


د کار او ټولنیزو چارو وزارت د کار چارو معین مولوي محمد زاهد احمدزي؛ په هېواد کې د خوړو نړیوال سازمان (WFP) له رئیسې آغلې سي‌آو ويلي (Hsiao-Wei Lee) سره د سیلاب‌ځپلو هېوادوالو سره د. . .

چهارشنبه ۱۴۰۳/۲/۲۶ - ۲۰:۵۱
Background image

د کار چارو معین د برک مؤسسې له مشر سره وکتل


د کار او ټولنیزو چارو وزارت د کار چارو معین مولوي محمد زاهد احمدزي په افغانستان کې د برک مؤسسې مشر مدحون اتي سره د خپل کار په دفتر کې وکتل.
په دې کتنه کې د کار چارو معین مولوي محمد. . .

دوشنبه ۱۴۰۳/۲/۳ - ۱۷:۴۷
Background image

د کار ملي کانفرانس په اړه د همغږۍ ناسته ترسره شوه؛


د کار او ټولنیزو چارو وزارت د کار چارو د معین مولوي محمد زاهد په مشرۍ او په افغانستان کې مېشت د ملګرو ملتونو سازمان د اړوندو ادارو او سازمانونو د مسؤلینو په حضور؛ د کار ملي کانفرانس په. . .

بیرته خبرونو ته