ملت ته د دولت حساب ورکولو پروګرام بهیر کې؛ د کار او ټولنیزو چارو وزارت راپور وړاندې شو

naweed_admin
دوشنبه ۱۴۰۲/۵/۳۰ - ۷:۵۴
R


ملت ته د دولت حساب ورکولو پروګرام په بهیر کې؛ د کار‌ او ټولنیزوچارو وزارت مسؤلینو د دې وزارت د تیرکال د عمده لاسته راوړنو او د راتلونکي کال د پلانونو په اړه د حکومت د رسنیو په مرکز کې، خپل راپور او پروګرامونه د رسنیو له لارې له خلکو سره شریک کړل.
په پیل کې د وزارت د داخلي تفتیش رئیس او د مقام د دفتر ریاست وارسي کوونکي ملا شرف‌الدین‌شرف خپلو خبرو کې د حکومت د رسنیو مرکز له مسؤلینو او د رسنیو له استازو څخه قدرداني وکړه چې د دې پروګرام په ترتیب،  تنظیم او خلکو ته یې د خپراوي په برخو کې هلې ځلې او کوښښونه کړي او هم یې ژمنه درلوده چې د کار او ټولنیزو چارو وزارت به خپل مسؤلیتونه په خپل وخت ترسره کوي او کوښښ به یې دا وي چې خپلو کاري ساحو کې ولسونو ته لازم خدمات وړاندې کړي.
ورپسې د وزارت د مطبوعاتو مسؤل او ویاند سمیع‌الله ابراهیمي د تېر۱۴۴۴کال د لاسته راوړنو په اړه معلومات شریک او څرګنده یې کړه چې په دې موده کې ۴۳۷۷۴ تنو ته د فني او حرفوي زده‌کړو زمینه برابره او د هېواد په کچه له ۵۳ زرو زیات داخلي او بهرنیو وګړو ته د کار جوازونه ویشل شويدي؛ ۸۵۷۹ تنو یتیمو او بې سرپرسته ماشومانو ته خدمات ترسره او هم د ۲۱۶ زروه بې‌وزلو کورنیو او ماشومانو ملاتړ شویدی همداراز له پنځو زرو څخه زیاتو ماشومانو ته وړکتونونو کې د ښوونې او روزنې زمینه برابر شوېده.
سمیع‌الله ابراهیمي زیاته کړه: هېواد کې د ننه کارموندنې او بهر ته د کارګرانو د اعزام په اړه د کار او ټولنیزو چارو وزارت مقدماتي کارونه پیل کړي او پدې برخو کې یې د ایران، قطر او ترکیې هېوادونو له استازو سره بحثونه هم شویدي ترڅو په راتلونکي کې وتوانېږو چې یادو هېوادونو ته ماهر او نیمه ماهر افغان کاریګر واستوو، نوموړي زیاته کړه له څوکلونو وروسته د کار عالي شورا او د ټولنیز خوندیتوب سکتور ناستې د کار او ټولنیزو چارو سرپرست وزیر په مشرۍ او د ټولنیزو شریکانو په ګډون ترسره شوې او په پام کې ده چې په نږدې راتلونکي کې د کار ملي کنفرانس هم جوړ او په کې د کار اړوند مسایل د ذیدخلو لورو سره وڅېړل شي.
د ناستې پای کې د رسنیو استازو په مختلفو برخو کې خپلې پوښتنې مطرح کړې چې د کار او ټولنیزو چارو وزارت د بشري قواوو عمومي رئیس مولوي حسین احمد مدني، د مهارتونو د انکشاف او فني او حرفوي زده‌کړه د تنظیم رئیس مولوي عبدالواحد فایز، د کار تفتیش رئیس مولوي رحیم‌الله صراح او د مطبوعاتو مسؤل او ویاند سمیع‌الله ابراهیمي لخوا ځواب شوې.

آخرین اطلاعیه هاآخرین اطلاعیه ها

شنبه ۱۴۰۳/۷/۱۴ - ۹:۲
Background image

د کارموندنې خبرتیا!

د کار او ټولنیزو چارو وزارت په پام کې لري؛ چې کار اهل کار ته د سپارلو او د متخصص او باتجربه شخص د استخدام په منظور ؛ خپل د داخلي تفتیش ریاست اړوند، د [متفتشینو لومړۍ ګروپ آمریت] د آزادی . . .

جمعه ۱۴۰۳/۷/۶ - ۱۰:۵۵
Background image

د کار او ټولنیزو چارو وزارت خبرتیا!

د کار او ټولنیزو چارو وزارت په پام کې لري، چې مسلکي کادرونو د روزلو او کارپنځونې په پار، د راډیولوژۍ او بیومیډیک انجنيرۍ د وسایلو د ترمیم په برخو کې په لاندې شرایطو برابرو هېوادوالو ته . . .

شنبه ۱۴۰۳/۶/۱۷ - ۱۵:۱۰
Background image

د کارموندنې خبرتیا!


د کار او ټولنیزو چارو وزارت کار اهل ته د سپارلو او مجربو افرادو د جذب او ګمارنې په منظور غواړي خپل اړوند لاندې نهه تش بستونه د آزاد رقابت له لارې اعلان ته وسپاري:
۱- پنځمه رتبه بست د . . .

تازه خبرونه

پنجشنبه ۱۴۰۴/۱/۲۸ - ۹:۱۹
Background image

د کار او ټولنیزو چارو سرپرست وزیر، په افغانستان کې د قطر هېواد د سرې میاشتې رئیس سره وکتل

د کار او ټولنیزو چارو سرپرست وزیر الحاج ملا عبدالمنان عمري نن د خپل کار په دفتر کې، په افغانستان کې د قطر هېواد د سرې میاشتې رئیس حسین بوتاني سره ولیدل.
د ناستې په پیل کې ښاغلي بوتانې؛. . .

چهارشنبه ۱۴۰۴/۱/۲۷ - ۱۲:۵
Background image

کابل کې د فني او حرفوي زده‌کړو لپاره له ۲۸۰ تنو ځوانانو ازموینه واخستل شوه

د کار او ټولنیزو چارو وزارت اړوند؛  خیرخانې سیمه کې پروت د فني او حرفوي زده‌کړو مرکز ته د نویو زده‌کوونکو د جذب په موخه له ۲۸۰ تنه ځوانانو په مختلفو ( نلدوانۍ، ساختماني برېښنا، فلزکارۍ. . .

سه‌شنبه ۱۴۰۴/۱/۲۶ - ۱۴:۵۰
Background image

د کار او ټولنیزو چارو سرپرست وزیر په افغانستان کې د کار نړیوال سازمان له نوي رئیس سره وکتل

د کار او ټولنیزو چارو وزارت سرپرست وزیر الحاج ملا عبدالمنان عمري، په داسې حال کې چې د کار چارو معین هم حضور درلود، په افغانستان کې د کار نړیوال سازمان له نوي رئیس ټیټي هیبااکاري سره د. . .

بیرته خبرونو ته