په هرات کې کورنیو وګړو ته د کار جوازونو د وېش برېښنايي سیستم پرانېستل شو 

media_admin
شنبه ۱۴۰۴/۴/۱۴ - ۱۴:۱۹
الیکترونیکي

د کار او ټولنیزو چارو وزارت په هڅو؛ د هرات په ولایت کې کورنیو وګړو ته د کار جواز د وېش برېښنايي سیستم پرانېستل شو.
په پرانیست غونډه کې د هرات ولایت د کار او ټولنیزو چارو رئیس میرزا‌محمد ابومنصور په خپلو خبرو کې وویل: برېښنايي حکومتولي د نظم، سهولت او شفافیت په رامنځته کېدو، د جعل او د وخت د ضایع کېدو د مخنیوي او په خپل وخت هېوادوالو ته د چټکو خدماتو د وړاندې کولو په لارو کې اړینه او هم د وخت اړتیا ده.
همداراز نوموړي زیاته کړه، چې د دې نوي برېښنايي سیستم په تطبیق سره به هېوادوالو ته پراخې آسانتیاوې برابرې شي، او د کار جواز ترلاسه کول به له دې وروسته په آسانه، چټک او شفاف ډول تر لاسه کوي.
ورپسې د کار او ټولنیزو چارو وزارت د معلوماتي ټکنالوجۍ رئیس آغامحمد حیدري په خپلو خبرو کې څرګنده کړه، چې یاد سیستم د وزارت له مرکزي سیستم سره نښلول شوی، او د هېواد په کچه همغږي لري او د دې سیستم په پلي کېدو سره به هیڅ څوک ونشي کولی چې په یو وخت کې دوه ځایه دندې ولري او ور سره به د کار جوازونو د ورکړې پروسه به معیاري، شفافه او منظمه شي.
نوموړي په پای کې وویل، چې له یاد سیستم سره هم‌مهاله یو شمېر نور برېښنايي سیستمونه لکه د روزنتونونو برېښنايي مدیریت، د مرستو وېش، لوازمو ثبت، املاکو مدیریت، نظارت او راپور ورکونې سیستمونه هم فعاله شوي ترڅو کارکوونکو ته په چارو کې آسانتیاوې او هېوادوالو ته د غوره خدماتو په وړاندې کولو کې ښه والی رامنځته شي.
د یادونې وړ ده، یاد سیستم د امیرالمؤمنین حفظه‌الله تعالی د حکم د تطبیق په موخه فعال شوی دی، چې له مخې یې هېڅوک اجازه نه لري په یو وخت کې دوه ځایه دندې ولري او له دې وړاندې په کابل او ننګرهار ولایتونو کې هم پرانېستل شوی وو او دا لړۍ دوام لري.

آخرین اطلاعیه هاآخرین اطلاعیه ها

شنبه ۱۴۰۳/۷/۱۴ - ۹:۲
Background image

د کارموندنې خبرتیا!

د کار او ټولنیزو چارو وزارت په پام کې لري؛ چې کار اهل کار ته د سپارلو او د متخصص او باتجربه شخص د استخدام په منظور ؛ خپل د داخلي تفتیش ریاست اړوند، د [متفتشینو لومړۍ ګروپ آمریت] د آزادی . . .

جمعه ۱۴۰۳/۷/۶ - ۱۰:۵۵
Background image

د کار او ټولنیزو چارو وزارت خبرتیا!

د کار او ټولنیزو چارو وزارت په پام کې لري، چې مسلکي کادرونو د روزلو او کارپنځونې په پار، د راډیولوژۍ او بیومیډیک انجنيرۍ د وسایلو د ترمیم په برخو کې په لاندې شرایطو برابرو هېوادوالو ته . . .

شنبه ۱۴۰۳/۶/۱۷ - ۱۵:۱۰
Background image

د کارموندنې خبرتیا!


د کار او ټولنیزو چارو وزارت کار اهل ته د سپارلو او مجربو افرادو د جذب او ګمارنې په منظور غواړي خپل اړوند لاندې نهه تش بستونه د آزاد رقابت له لارې اعلان ته وسپاري:
۱- پنځمه رتبه بست د . . .

تازه خبرونه

دوشنبه ۱۴۰۴/۴/۲۳ - ۱۰:۳۹
Background image

د کار  او ټولنیزو چارو وزارت د روان کال په لومړۍ ربعه کې۱۱۸ امارتي او غیر امارتي  ادارې پلټلي دي

د کار او ټولنیزو چارو وزارت اړوند د کار تفتیش او لارښوونې ریاست له لوري د ۱۴۰۴ کال  په لومړۍ ربع کې ۱۱۸ امارتي او غیر امارتي ادارې پلټل شوي دي.

 په یادو ۱۱۸ ادارو کې ۱۲ امارتي او. . .

شنبه ۱۴۰۴/۴/۲۱ - ۱۳:۳۷
Background image

د صادراتو ملي ورځې په لمانځ‌غونډه کې د کار او ټولنیزو چارو وزیر ګډون او وینا وکړه

 

د کار او ټولنیزو چارو وزیر الحاج ملاعبدالمنان عمري د صنعت او سوداګرۍ وزارت په نوښت د کال د غوره صادرونکو په جوړې شوې ستاین‌غونډه کې ګډون او وينا وکړه.
الحاج ملا عبدالمنان عمري غوره. . .
چهارشنبه ۱۴۰۴/۴/۱۸ - ۹:۵۰
Background image

راستنېدونکو کډوالو ته د کاري فرصتونو د برابرولو کمېټې نوبتي ناسته ترسره شوه

د کار او ټولنیزو چارو وزارت د کار چارو معین الحاج مولوي محمد زاهد احمدزي په مشرۍ او د اړوندو وزارتونو د استازو په ګډون، بېرته راستنېدونکو کډوالو ته د کاري فرصتونو د برابرولو کمېټې نوبتي. . .

بیرته خبرونو ته