په پکتیکا کې د کارو او ټولنیزو چارو ریاست؛ له ۱۰۰ تنو یتیمو ماشومانو سره نغدي مرستې وکړې؛

د پکتیکا ولایت د کار او ټولنیزو چارو ریاست په هڅو، د احساس موسسې په همکارۍ او د ترکیې هېواد په مالي ملاتړ له ۱۰۰ یتیمو ماشومانو سره د نږدې ۹ میلیونو افغانیو په ارزښت نغدي مرستې وشوې.  
د پکتیکا ولایت د کار او ټولنیزو چارو رئیس مولوي اسلام حسین الهام د احساس موسسې او له ترکیې هېواد څخه راغلي پلاوي ته په خبرو کې له هغوی څخه د مننې ترڅنګ غوښتنه وکړه، چې د نورو افغان یتیمو ماشومان لاسنیوی هم وکړي.
همدارنګه یې وویل: زموږ سره چې په مرکز او ولسوالیو کې څومره یتیم ماشومان ثبت دي، د هغوی له جملې مو دا ځل له ۱۰۰ یتیمو ماشومانو سره نغدي مرستې وکړې، موږ تل هڅه کوو چې د خپل وس مطابق او نورو همکارو موسسو په مالي ملاتړ په بېلا بېلو برخو کې د یتیمو او بې سرپرسته ماشومانو سره مرستې او لاسنیوی یې وکړو.