په کابل کې د فني او حرفوي زدهکړو لپاره له ۱۶۰ تنو ځوانانو څخه ازموینه واخستل شوه کابل
د کار او ټولنیزو چارو وزارت اړوند؛ د فني او حرفوي زدهکړو د زیانمنو اقشارو په مرکز کې د زدهکړو د ترلاسه کولو لپاره د نویو زدهکوونکو د جذب په موخه له ۱۶۰ تنه ځوانانو څخه په مختلفو (نلدوانی، ساختماني برېښنا او د موبایل ترمیم) حرفو کې په ډلهایزه توګه آزموینه واخستل شوه، چې له یادو ځوانانو څخه به یواځې ۹۰ تنه جذب شي او فني او حرفوي زدهکړې به په نظري او عملي ډول ترلاسه کړي.
په همدې مناسبت جوړه شوې غونډې ته د کار او ټولنیزو چارو وزارت؛ د فني او حرفوي زدهکړو د مراکزو د تنظیم رئیس مولوي عبدالواحد فایز په خپلو خبرو کې وویل: دغه ۹۰ تنه ځوانان به تر شپږو میاشتنیو نظري او عملي زدهکړو ورکولو وروسته به د ماهرو کاریګرو په توګه د کار بازار ته واړندې شي.
همداراز نوموړي په خپلو خبرو کې زیاته کړه؛ د کار او ټولنیز چارو وزارت هڅه داده تر څو په ټولنه کې د بیکارۍ کچه راټیټه، یتیمو او بېسرپرستو ماشومانو ته د ژوند اسانتیاوې برابرې، راستنیدونکو کډوالو ته د اوسېدو ځای او کار په پیدا کولو کې همکاري او په ځانګړي ډول ځوانانو ته په بېلا بېلو برخو کې د فني او حرفوي زدهکړو او همداشان د کار زمینه برابره کړي تر څو هغوی وکولي شي، چې خپل هیواد او ټولنې ته خدمت وکړي او خپلې کورنۍ ته حلاله نفقه پیدا کړي.
