پکتیا کې له ۳۵۰ تنو یتیمو او بې سرپرسته ماشومانو سره نقدي مرسته وشوه؛
د پکتیا ولایت د کار او ټولنیزو چارو ریاست په همکارۍ او د ترکیې هېواد د یوه خیریه بنسټ په مالي ملاتړ د دې ولایت له ۱۰۰ تنو یتیمو او بېسرپرسته ماشومانو سره نقدي مرسته وشوه.
یاده مرسته، چې هر یتیم ماشوم ته ۸ زره افغانۍ په نقدي توګه په نظر کې نیول شوې وې، د وېش په مراسمو کې یې د پکتیا ولایت د کار او ټولنیزو چارو رئیس قاري رحیمالله نصرت د ترکیې هېواد د وقفي دارالاېتام له مرستې څخه په مننې سره: له نورو مؤسساتو هم غوښتنه درلوده، چې د یتیمو او بېسرپرسته ماشومانو سره د مرستې په برخه کې دې همکاري وکړي.
د یو بل خبر له مخې د پکتیا ولایت د کار او ټولنیزو چارو ریاست او (APDO) مؤسسې په مالي ملاتړ؛ د سرې میاشتې د کلوپ پروګرام له ۲۵۰ زده کوونکو سره هم د دوه قلمه قرطاسیي توکو مرسته ترسره شوه.