کونړ کې ۱۲۰ تنو ځوانانو ته د فني او حرفوي زدهکړو زمینه برابره شوه
د کونړ ولایت د کار او ټولنیزو چارو ریاست په هڅو په هغه ولایت کې ۱۲۰ تنو بیکاره او بېمسلکه ځوانانو ته د بریښنا، فلزکارۍ او د موټرجوړونې په برخو کې د شپږو میاشتو لپاره د فني او حرفوي زدهکړو زمینه برابره شوه؛
په هغه پرانېستغونډه کې چې په همدې مناسبت جوړه شوې وه؛ د کوڼړ والي الحاج مولوي قدرتالله ابو حمزه وویل د ا.ا.ا مسؤلین هڅه کوي ، چې په هره برخه کې د ولس ستونزې حل کړي؛ او په ټولنه کې بیکاره ځوانانو ته د کاري زمینو برابرول او هغوی په مهارتونو سمبالول یې غوره بیلګه ده.
همدارنګه د کونړ ولایت د کار او ټولنیزو چارو رئيس مجیب الله عمر وويل د دې شپږ مياشتني پروګرام تر څنګ د ریاست په هڅو په مرکز او ولسواليو کې ۸۰۰ نور ځوانان په بېلابېلو حرفو کې پر زدهکړو بوخت دې، چې د مسلکي او ماهر کاریګرو په توګه به ټولنې ته وړاندې شي
