د ټولنیزو چارو معین له روزنتون څخه لیدنه وکړه
د کار او ټولنیزو چارو وزارت؛ د ټولنیزو چارو معین مولوي عبیدالله امینزاده د یاد وزارت اړوند د تهیهی مسکن د ذکورو له روزنتون څخه د چارو د بهبود په منظور لیدنه وکړه.
د ټولنیزو چارو معین مولوي عبیدالله امینزاده د روزنتون له مسئولینو او ماشومانو سره په یوې ناسته کېوویل: یتیمو او بې سرپرسته ماشومانو ته روزنه، د اوسېدولو لپاره سرپنا، تعلیم او تربیه د کار او ټولنیزو چارو وزارت له لومړيتوبونو څخه دي، یتیمو او بېسرپرستو ماشومانو څخه د کفالت او دوی ته د ژوندانه د سهولتونو د اېجاد په موخه د کار او ټولنیزو چارو وزارت په ټول هېواد کې خپل اړونده روزنتونونه فعال کړي دي او په ټول توان سره هڅه کوي چې هغوی ته نورې اسانتیاوي هم برابرې کړي.
مولوي امینزاده؛ یتیمو او بې سرپرسته ماشومانو ته په خطاب کې وویل: تاسې د تنهایۍ او محرومۍ احساس مه کوئ، ځکه د افغانستان اسلامي امارت هر مسؤل په ځانګړې توګه د کار او ټولنیزو چارو وزارت به په هر ډول حالاتو کې ستاسو ستونزو ته رسېدنه، لاسنیوی او ملاتړ بهکوي.
د ټولنیزو چارو معین مولوي عبیدالله امینزاده د روزنتون مسئولینو ته د خدماتو او چارو د غورهوالي په خاطر لازمې سپارښتنې هم وکړي.
