د کار انسټیټیوټ له لوري په بېلا بېلو ولایتونو کې د ظرفیت لوړونې ښوونیزې برنامې پیل شوې
د کار او ټولنیز چارو وزارت؛ د کار انسټیټیوټ له لوري په مرکز کابل، پروان او هرات ولایتونو کې د مسلکي ظرفیت لوړونې په موخه ښوونیزې برنامې پیل شوې.
په کابل کې د کار انسټیټیوټ او روزنتون کې د فني او حرفوي زدهکړو استادانو او دهغوی مربیونو ته د تربیتي ارواهپوهنې او د ښونیزو نصابونو تطبیق او په هرات او پروان ولایتونو کې د فني او حرفوي زدهکړو استادانو، ښونیزو مدیرانو او د هغوی مربېونو ته د تدریس عمومي مېتودونو تر نامه لاندې روزنیزې برنامې پیل شوې، چې په دې سره به د کارکوونکو د مسلکي پرمختګ، په چارو کې د غوره خدماتو وړاندې کولو، د کارکوونکو او مراجعینو ترمنځ د ښو مناسباتو او اړیکو رامنځته کولو، د کاري فضا د ښهوالي او پر وخت سره د مراجعینو ستونزو ته رسېدنه وشي.
د یادونې وړده، چې څو ورځې وړاندې هم په کابل کې د دولسو امارتي ادارو کار کوونکو ته د غونډې مدیریت ترنامه لاندې ښونیزه برنامه پیل شوې وه؛ چې پرون پای ته ورسېده.
