ننګرهار کې د ماشومانو د ملاتړ مرکز تر بیارغونې وروسته ګټې اخیستنې ته وسپارل شو
د کار او ټولنیزو چارو وزارت له لورې د ننګرهار ولايت د کار او ټولنیزو چارو رياست په چوکاټ کې د څه باندې یو نیم میلیون افغانیو په مالي لګښت د ماشومانو د ملاتړ مرکز تر بیارغونې وروسته د کار او ټولنیزو چارو وزیر بشير احمد ته ينج او د ننګرهار والي ضياالحق امرخيل له خوا په داسې کال کې چې د کار او ټولنيزو چارو مالي او اداري مرستيال مسعودالله اورياخيل، د ننګرهار ولایتي شورا غړو او یو شمېر مسؤلینو یې هم ملتیا کوله؛ ګټې اخیستنې ته وسپارل شو.
د کار او ټولنيزو چارو وزير د ياد مرکز پرانسته کې و ويل، چې د ماشومانو د ملاتړ مرکز کې به رد مرز شوي، ذهني ناروغ، قاچاق شوي، برمته شوي او له کورنیو څخه تښتیدلي ماشومان ساتل، روزل او له پالنې وروسته خپلو کورنیو ته سپارل کیږي.
د ويلو دی، چې مياشت وړاندې بلخ ولايت کې هم ورته يو مرکز جوړ او ګټې اخيستنې ته و سپارل شو.
