د کار او ټولنیزو چارو وزیر سره د سعودي عربستان سفیر لیدنه
د کار او ټولنیزو چارو وزیر بشیر احمد ته ینج، د افغانستان لپاره د سعودي عربستان سفیر جاسم محمد الخالدی سره خپل کاري دفتر کې و کتل.
د کار او ټولنیزو چارو وزیر بشیر احمد ته ینج په تیر شل کلونو کې د عربستان له مرستو د مننې ترڅنګ؛ نوموړي سره یاد هیواد ته د افغان کارګرو لیږولو پروسې پيل اړوند خبرې و کړې.
ښاغلي ته ینج د خپلو خبرو په ترڅ کې د افغان کارګرو پروسې اړوند د هوکړه لیک پلي کیدو غوښتنه و کړه او و یې غوښتل څو یادې پروسې پيل کې عربستان زیاته پاملرنه و کړي؛ نوموړي همدارنګه د سفیر څخه د هیواد په څلور زونونو کې د څلور بابه روزنتونونو او فني او حرفوي زده کړو مرکزونو جوړولو غوښتنه هم و کړه.
وروسته د افغانستان لپاره د عربستان سفیر جاسم محمد الخالدي وویل چې عربستان ته د افغان کارګرو لیږولو اړوند یو نوی میکانیزم یې د سعودي عربستان حکومت سره شریک کړی، چې په پلي کیدلو سره به یاده پروسه پيل او کارونه بیه تېز شي.
د عربستان سفیر همدارنګه ژمنه و کړه، چې د افغانستان څلور زونونو کې د روزنتونونو او فني او حرفوي زده کړو مرکزونو جوړیدو موضوع به هم د عربستان هیواد دولت سره شریکه او جدي به یې تعقیب کړي.
