د کار انسټیټوټ کې د ظرفیت لوړونې د برنامو لړۍ روانه ده
د کار او ټولنیزو چارو وزارت انسټيټوټ کې د دې وزارت اړوند د فني او حرفوي زدهکړو استادانو لپاره د قابلیتونو د تثبیت تر عنوان لاندې درې ورځینی روزنیز سیمینار جوړ شو.
په همدې مناسبت جوړي شوي پروګرام کې د کار او ټولنیزو چارو وزارت انسټیټوټ رئیس شریفالله شرافت په خپلو خبرو کې وویل: د کار او ټولنیزو چارو وزارت د خپلو نورو مسوولیتونو د ترسره کولو سربېره د امارتي او غیر امارتي ادارو د کارکوونکو د غوښتنو په اساس د ظرفیت لوړونې مختلفې لنډمهاله او اوږدمهاله نظري او عملي برنامې په لاره اچولې دي، چې ګڼ شمېر ګډونوال ورڅخه مستفید او د دوی لپاره یې مثبتې پایلې لرلې دي.
نوموړي همدا راز د فني او حرفوي زدهکړو په مرکزونو کې د قابلیتونو د تثبیت د رغنده او بنسټیز رول او د خپلو راتلونکو برنامو په اړه معلومات شریک او د دې برنامې له ګډونوالو څخه یې وغوښتل، چې له دې پروګرام څخه د ترلاسه شویو زدهکړو، تجربو او مهارتونو څخه په استفادې د دوی په ورځنیو چارو کې د پام وړ ښهوالی او د ګټورو خدماتو د وړاندې کولو په برخه کې چټکتیا راشي
