لغمان کې درې‌وېشت تنو ته د کار وسایلو په وېش سره د کار زمینه برابره شوه
د لغمان ولايت د کار او ټولنيزو چارو رياست په هلو ځلو هغو ۲۳ تنو ته د ۶۵۰۰۰۰ افغانیو په ارزښت کاري وسايل ووېشل شول؛ چې تېره مياشت له سروې وروسته مستحق تثبیت شوي وو.
هغې غونډه کې؛ چې په همدې مناسبت جوړه شوې وه او د لغمان ولایت د اقتصاد ریاست استازي هم حضور درلود، د کار او ټولنیزو چارو ریاست استازي وویل: یاد توکي د کار بازار د اړتیاوو سره سم او همداراز د مستحقو او کسب‌لرونکو اشخاصو له تثبیت او تأیید وروسته، اړمنو کسانو ته ووېشل کیږي.
د لغمان ولايت د کار او ټولنيزو چارو رياست او مستفدینو د سرف-افغانستان همکارې مؤسسې له مالي ملاتړ څخه د مننې ترڅنګ له نورو خیریه بنسټونو او ادارو څخه وغوښتل چې له کسب‌ګرو او بیوزله هېوادوالو سره دا ډول مرستو وېش ته مخه کړي، ترڅو له یوې خوا هغوی د بیوزلۍ له کرښې راووزي او له بله پلوه د دوامداره کار څښتنان شي.
