په ارزګان او بغلان ولایتونو کې ۴۰۲ اړمنو کورنیو ته خوراکي توکي ووېشل شول
د ارزګان او بغلان ولایتونو د کار او ټولنیزو چارو ریاستونو په هڅو؛ ۴۰۲ اړمنو کورنیو، چې ۳۰۰ کورنۍ په ارزګان او ۱۰۲ يې په بغلان کې د یوې ځانګړې او دقیقې سروې په ترڅ کې په ګوته شوي وې؛ خوراکي توکي ترلاسه کړل. په یادو خوراکي توکو کې ( اوړه، غوړي، وریجې، چای، لوبیا، بوره، روب، مالګه، مکروني او اورلګید) شامل وو. د یادونې وړ ده، چې په ارزګان ولایت کې د«تیکا» همکارې مؤسسې له لوري او په بغلان ولایت کې د هغه ولایت د امنیې قومندانۍ په مالي همکاري یاد خوراکي توکي ووېشل شول. د ارزګان او بغلان ولایتونو د کار او ټولنیزو چارو ریاستونو له همکاره بنسټونو څخه د مننې ترڅنګ له نورو خیریه مؤسسو هم غوښتنه وکړه چې د روژې په مبارکه میاشت کې د بېوزله خلکو لاسنیوی وکړي.
