کونړ کې ۲۴۸۲ زلزلهځپلو کورنیو ته د خوراکي او غیر خوراکي توکو مرستې وویشل شوې
د کونړ ولایت د کار او ټولنیز چارو ریاست په هڅو او همغږۍ د څوکۍ ولسوالۍ اړوند د دیوهګَل سیمې ۲۴۸۲ زلزلهځپلو کورنیو ته د خوراکي او غیر خوراکي توکو مرستې ووېشل شوې.
زلزلهځپلو کورنیو ته؛ په یادو مرستو کې څه باندې د دوهنیم میلونو(۲۰۶۴۵۶۰) افغانیو په ارزښت نغدې پیسې، خیمې، د آشپزخانې وسایل، دوشکې، کمپلې، جامې، څراغونه او پاخهشوي خواړه؛ ترلاسه کړل.
د کونړ ولایت د کار او ټولنیزو چارو رئیس مولوي مجیبالله عمر په خپلو خبرو کې د همکارو مؤسساتو څخه د مننې سربېره وویل؛ د افعانستان اسلامي امارت هوډمند دی، چې د زلزلهځپلو کورنیو لاسنیوی وکړي او د ژوندانه آسانتیاوې او سهولتونه ورته برابر کړي.
همداراز نوموړي، له همکارو کورنیو، نړیوالو مؤسساتو او خیریه بنسټونو څخه هم د ورته مرستو او همکاریو غوښتنه وکړه، ترڅو په هېواد کې د زلزلهځپلو کورنیو ستونزو ته رسېدنه وشي.
