ننګرهار کې ۱۱۵ تنه یتیمو ماشومانو سره د نقدي پیسو مرسته وشوه
په ننګرهار ولایت کې د کار او ټولنیزو چارو ریاست په هڅو او همغږۍ؛ ۱۱۵تنه یتیمو ماشومانو د ملاتړ په موخه د هغوی د سرپرستانو په حضور کې نقدي پیسې ووېشل شوې؛ چې ټیټ مقدار یې۴۱۵۰ افغانۍ، اوسط یې ۳۱۱۱۰ افغانۍ او لوړ مقدار یې ۶۲۲۲۰ افغانۍ وي او مجموعي ارزښت یې ۲۵۶۳۲۷۰ افغانۍ کیږي.
په همدې مناسبت جوړې شوې غونډې ته د ننګرهار ولایت د کار او ټولنیزو چارو رئیس مولوي فریدالله حقاني له همکارې موسسې د مننې سربېره؛ له نورو ملي او نړیوالو خیریه بنسټونو او همکارو موسساتو څخه هم وغوښتنل، چې په هېواد کې د سړې هوا په راتګ سره له یتیمو او بېسرپرسته ماشومانو لاسنیوی وکړي ترڅو تر یوه بریده هغوی ته د ژوندانه سهولتونه برابر شي.
د یادولو ده، چې یاده مرسته د HAS همکارې موسسې په مالي ملاتړ له یتیمو او بېسرپرسته ماشومانو سره ترسره شوه؛ ترڅو هغوی له شاقه کاره راوګرځوی او خپل تعلیم ته ادامه ورکړي.
