د کار او ټولنیزو چارو وزارت سرپرست د مرسي کورپس او هیلپ جرمني مؤسسې استازو سره و کتل
د کار او ټولنیزو چارو وزارت سرپرست ملا عبدالولي څارنوال ( حاجي وارث) د مرسي کورپس او هیلپ جرمني مؤسسې استازو سره خپل کاري دفتر کې وکتل او د یادو مؤسسو د کار جواز اړوند ستونزو یې ورسره خبرې و کړې.
پیل کې د یادو مؤسسو استازو د جوازونو د تاریخ ختمیدو او تمدیدو اړوند معلومات وړاندې کړل او د کار او ټولنیزو چارو وزارت رهبرۍ د همکارۍ غوښتنه یې و کړه.
دوی همدارنګه په هرات او قندهار ولایتونو کې د فني او حرفوي زده کړو برخه کې د خپلو فعالیتونو یادونه هم وکړه او په دې برخه کې یې د کار او ټولنیزو چارو وزارت اړوند ولایتي ریاستونو د استازو د همکارۍ غوښتنه وکړه.
د کار او ټولنیزو چارو وزارت سرپرست ملا عبدالولي څارنوال( حاجي وارث) د یادو مؤسسو استازو ته په خطاب وویل، چې ټولې هغه مؤسسې چې د فني او حرفوي زده کړو برخه کې فعالیت لري، باید د کار او ټولنیزو چارو وزارت په ټوله کې د اسلامي امارت تر چتر لاندې او قوانینو مطابق فعالیت و کړي او د خپلو کړنو له پيلولو مخکې، جریان او پای کې باید په منظم ډول له کار او ټولنیزو چارو وزارت سره همغږي و لري؛ څو په ښه توګه هغه کړنې چې په مرکز او ولایتونو کې لازمې دي، ترسره شي.
د کار او ټولنیزو چارو وزارت سرپرست د یادو مؤسسو د کارونو د جواز تمدیدو اړوند ژمنه و کړه، چې د کار او ټولنیزو چارو وزارت د ټولو هغو مؤسسو د کار جوازونه او نور اړین قانوني کارونه چې دې وزارت پورې اړه و لري، شرایط او اسناد یې پوره کړي وي، په ښه توګه همکاري او ترسره کړي.
