هېوادوالو ته د خدماتو وړاندې کولو په لړ کې پرون چهارشنبه ۴۹۷تنه کډوال سیستم کې ثبت کړل
د افغانستان د اسلامي امارت له لوري بېرته راستنېدونکو کډوالو ته د خدماتو د تنظیم کمیټې سره په همغږۍ او د کار او ټولنیزو چارو سرپرست وزیر الحاج ملا عبدالمنان عمري د هدایت په اساس، تورخم ته د دې وزارت استول شوی تخنیکي ټیم پرون چهارشنبه ۴۹۷تنه بېرته راستانه شوي کډوال سیستم کې ثبت او په مختلفو برخو کې هغوی سره مرسته کړېده.
د کار او ټولنیزو چارو وزارت تخنیکي ټیم د خپلو تېرو فعالیتونو په دوام؛ و توانېد چې تورخم کې۴۹۷تنه بېرته راستنېدونکي کډوال سیستم کې ثبت او د هغوی تعلیمي او تحصیلي سویې او فن او حرفو ته یې لاسرسی هم تثبیت کړي. په همدې توګه د کار او ټولنیزو چارو وزارت ټیم د زیانمنو اقشارو ستونزو د رسیدګي سربېره د ترانسپورت د تنظیم او روغتیايي مراکزو ته د بېرته راستنېدونکو کډوالو د لاسرسي په برخو کې هم فعاله ونډه درلوده.
د یادولو وړ ده چې د کار او ټولنیزو چارو وزارت د تخنیکي ټیم په سپارښتنه او همکارۍ او د مخابراتو وزارت په هلو ځلو د راستنیدونکو هیوادوالو پنډغالۍ د نوري فایبر سره وصل شو، چې په دې کار سره به د کاري فرصتونو کمیټې د ثبت سیستم هم له دې وروسته آنلاین ډول کار کوي.
