تورخم، سپین بولدک او انګور اډه کې بېرته راستنېدونکو کډوالو ته د خدماتو بهیر روان دی
د افغانستان اسلامي امارت له لوري بېرته راستنېدونکو کډوالو ته د خدماتو د تنظیم کميټې سره په همغږۍ او د کار او ټولنیزو چارو سرپرست وزیر الحاج ملا عبدالمنان عمري د هدایت په اساس، د کندهار ولایت سپین بولدک ولسوالۍ، د ننګرهار ولایت تورخم ښارګوټي او د پکتیکا ولایت په انګور اډه کې د دې وزارت مېشتو تخنیکي ټیمونو پرون سهشنبه ۶۸۱تنه بېرته راستنېدونکيهېوادوال سیستم کې ثبت او په اړونده برخو کې یې هغوی ته لازم خدمات ترسره کړل.
د کار او ټولنیزو چارو وزارت د تخنیکي ټیمونو په وینا دوی وتوانېدل چې تېره ورځ په انګور اډه کې ۹۶تنه، سپینبولدک ولسوالۍ ۲۵۲تنه او تورخم ښارګوټي کې ۳۳۹تنه بېرته راستنېدونکي کډوال سیستم کې د مهارت، تحصیل او تجربو په موخه ثبت کړي. او سربیره پردې یې د ترانسپورت د تنظیم، روغتیايي مراکزو ته د لاسرسي، د زیانمنو اقشارو څخه ملاتړ او د عامه پوهاوي په برخو کې هم هغوی ته خدمات وړاندې کړي.
