لغمان کې پر ۵۰ تنو کاري وسایل وویشل شول
د لغمان ولايت د کار او ټولنيزو چارو رياست په هڅو ۵۰ تنو هغو مستحقو هېوادوالو ته له یو میلیون څخه د زیاتو افغانیو په ارزښت کاري وسایل وویشل شول، چې د یاد ریاست په همکارۍ او همغږۍ څه موده وړاندې سروې شوي وو.
د یادو توکو د توزیع پر مهال د لغمان ولایت و کار او ټولنیزو چارو رئیس سید جمالالدین هاشمي په خپلو خبرو کې وویل: له نیکمرغه نن ۲۹ کسانو ته د خیاطۍ په حرفه کې ۱۶ قلمه کاري وسایل چې په هغه کې د خياطۍ ماشين، اوتو، ګاز ډبه، د سولر تخته، بکرم او نور لوازم شامل دي وېشل کیږي، چې هر کس ته د وېشلشویو وسایلو ارزښت ۱۹۴۷۰ افغانۍ وه.
مولوي هاشمي زیاته کړه: سربېره پردې ۲۱ تنو هغو دوکاندارنو ته هم توکې ووېشل شول، چې د خرڅلاو لپاره يې د کافي اجناسو د اخستلو توان نه درلود، چې په هغه کې هم ۲۷ قلمه توکي شامل وه، چې هر کس ته د وېشلشویو اجناسو ارزښت د ۲۵۱۷۰ افغانۍ وو.
په همدې توګه د سرف افغانستان همکاري مؤسسې استازي هم په خپلو خبرو کې وویل: د کار زدهکوونکې دې د زدهکړو په جریان کې له یادو وسایلو څخه سالمه استفاده وکړي تر څو په راتلونکې کې د هیواد او هیوادوالو لپاره د غوره خدماتو وړاندې کولو جوګه شي.
