د کار انسټیټیوټ له لوري د امارتي کارکوونکو د ظرفیت لوړونې د برنامو لړۍ دوام لري
د کار او ټولنیزو چارو وزارت انسټېټوټ له لوري د لوګر ولایت د کار او ټولنیزو چارو ریاست، د روزنتونو ښوونکو او د دې ولایت د ټولو اداري واحدونو کارکوونکو ته د مدیریتي مهارتونو او سازمان پېژندنې تر نامه لاندې پنځه ورځینی روزنیز سمینیار جوړ شو.
د دې سیمینار په پرانیست غونډه کې د لوګر ولایت د کار او ټولنیزو چارو رئیس مولوي جان محمد طلحه په خپلو خبرو کې ګډونوالو ته د ښه راغلاست سربېره په اداره کې د مدیریتي مهارتونو په اړه هر اړخیز معلومات شریک او څرګنده یې کړه، داسې روزنیز پروګرامونه د کارکوونکو د اداري پوهې په اوچتولو او په کاري ساحه کې خورا ګټور او مؤثر تمامېږي.
نوموړي همدا راز د سیمینار له ګډونوالو وغوښتل، چې له دې پروګرام څخه د ترلاسه شویو تجربو او مهارتونو څخه په استفادې به د دوی په ورځنیو چارو کې د پام وړ ښهوالی او هېوادوالو ته د ګټورو خدماتو د وړاندې کولو په برخه کې لاچټکتیا راشي.
په پای کې د کار او ټولنیوز چارو وزارت انسټېټوټ استادانو د مدیریت، رهبرۍ، مدیریت ځانګړتیاوو، ډولونو او اصولو په اړه خپل چمتو شوي، پریزنټېشنونه ګډوانول ته ارایه کړل.
