په کابل او بغلان کې د ظرفیت لوړونې په موخه ښوونیزې برنامې پیل شوې
د کار او ټولنیزو چارو وزارت د کار انستیتیوټ په هڅو او همغږۍ، په کابل او بغلان ولایتونو کې د امارتي ادارو کارکوونکو ته د مسلکي ظرفیت لوړونې په موخه، د کارکوونکو چارو مدیریت، له ادارې سره د کارکوونکو کاري اړیکې، په کار کې د رامنځته شویو اختلافاتو د حل لارو، د ښوونې او روزنې بنسټونو او د تدریس عمومي مېتودونو ترنامه لاندې شپږ ورځینۍ ښوونیزې برنامې پیل شوې.
امارتي ادارو کارکوونکي به؛ د یادو ښونیزو برنامو په پیل سره په یوه اداره کې د کارکوونکو ترمنځ د همغږۍ، د کار کوونکو او ادارې متقابلو حقوقو او مکلفیتونو، د کارکوونکو د کاري حقوقو تأمین، په اداره کې د کاري اړیکو پیاوړتیا، د اجباري کار ممنوعیت، په چارو کې همکارۍ، صداقت او کاري انضباط په اړه هر اړخیز معلومات تر لاسه کړي.
د یادونې وړده، چې د کار انستیتوټ له لوري د فني او حرفوي زدهکړو په برخو کې استادانو ته هم روزنیز پروګرامونه لکه: د ریکشا ترمیم او ګرافیک ډیزاین ترعنوان لاندې هم پیل شول، ترڅو زدهکوونکو ته مسلکي زدهکړې ورکړي.
