غزني کې ۱۵ تنه ځوانان له فني او حرفوي زدهکړو څخه فارغ شول
د غزني ولایت د کار او ټولنیزو چارو ریاست په هڅو او همغږۍ؛ ۱۵ تنه ځوانان د فلزکارۍ په حرفه کې؛ تر درې میاشتنیو نظري او عملي زدهکړو وروسته فارغ او تصديقپاڼې ترلاسه کړې.
په همدې مناسبت جوړې شوې فراغت غونډې ته د غزني ولایت د کار او ټولنیزو چارو رئیس الحاج عبدالقيوم مکلوم په خپلو خبرو کې فارغ شویو ځوانانو ته د مبارکۍ سربېره وویل: د ا.ا.ا په ځانګړې ډول د کار او ټولنیزو چارو وزارت هڅه کوي، چې په هېواد کې د بېکارۍ کچې په راټيټولو او د کار بازار اړتياوو ته په کتو هېوادوالو ته په بېلابېلو برخو کې د فني او حرفوي زدهکړو زمینه برابره کړي.
همداراز نوموړي له فارغ شویو ځوانانو څخه غوښتنه وکړه، چې له ترلاسه شویو زدهکړو، تجربو او مهارتونو څخه په پوره ډول استفاده وکړي او په ترلاسه کړي کسب کې د نورو هېوادوالو خدمت وکړي.
