1. Home
  2. خبر
  3. افغان ـ کوريا د فني او حرفوي زده کړو انستيتوت کې د سولري برق سيستم فعال او پرانستل شو.

افغان ـ کوريا د فني او حرفوي زده کړو انستيتوت کې د سولري برق سيستم فعال او پرانستل شو.

naweed_admin
چهارشنبه ۱۴۰۱/۹/۲ - ۱۴:۱۲
Q
افغان ـ کوريا د فني او حرفوي زده کړو انستيتوت کې د ( هېومن اېډ) خيريه مؤسسې په مالي مرسته د اته زره امريکايي ډالرو په ارزښت د سولري برق سيستم فعال او نن د يو لړ مراسمو په ترڅ کې د کار چارو مرستيال مولوي مخدوم عبدالسلام سعادت او مرستندويه مؤسسې( هېومن اېډ) مسؤلينو له لوري پرانستل شو. په همدې موخه جوړو شويو مراسمو کې د کار چارو مرستيال مولوي مخدوم عبدالسلام سعادت د ( هېومن اېد) خيريه مؤسسې له مسؤلينو څخه د مننې ترڅنګ وويل: په افغانستان کې اسلامي نظام د مجاهدينو د ډيرو ستړياوو او ستونزو په ګاللو سره را جوړ شوی، چې لازمه ده ټول هيوادوال له مجاهدينو سره يو ځای، لاس په لاس د وطن د آبادۍ لپاره شپه او ورځ کار وکړي؛ څو نظام مو لا زيات مستحکم او آباد شي. مولوي مخدوم زياته کړه، چې د ا.ا.ا حکومت يو مسؤليت پذيره حکومت دی او هڅه کوي، څو د مختلفو لارو چارو د هېوادوالو خدمت او ورته د کار زمينه برابره کړي. ښاغلي سعادت د رسنيو استازو سره په خبرو کې بهر ته د افغان کارګرو د ليږد پروسې اړوند وويل: د کار او ټولنيزو چارو وزارت پلان لري؛ څو بهر ته هم افغان کارګر و ليږي؛ خو د ياد بهير اجرايي کار لا نه دی شروع شوی. نوموړي له هېوادوالو و غوښتل؛ څو د اوس لپاره هيچا ته هم ياده پروسه کې د شموليت/ نوم ليکنې په موخه پيسې ور نه کړي او هر وخت چې بهر ته د افغان کارګرو د ليږد عملي بهير پيل شي د کار او ټولنيزو چارو وزارت به يې ټول جزئيات د رسنيو له لارې هيوادوالو ته اعلان کړي. يادو مراسمو کې د ( هېومن اېډ) خيريه مؤسسې مسؤل وليد احمدي هم خبرې وکړې؛ افغان ـ کوريا انستيتوت کې د سولري برق جوړولو اړوند يې د خوښۍ په څرګندولو سره، په اوس وخت کې د ورته مراکزو ملاتړ او افغانانو لاسنيوی لازمي او ايماني وجيبه و بلله، زياته يې کړه چې ( هېومن اېډ) مؤسسې په زياتو برخو کې د اړمنو افغانانو لاسنيوی کړی او هڅه کوي؛ څو راتلونکي کې هم د خپلو امکاناتو په محدوده کې له اړمنو هېوادوالو او ورته مراکزو سره مرسته او همکاري وکړي. غونډه کې د کار او ټولنيزو چارو وزارت د فني او حرفوي زده کړو مرکزونو د تنظيم رئيس الحافظ مولوي ميرحاتم هم خبرې وکړې؛ د سولري برق برخه کې يې د ( هېومن اېډ) مؤسسې له همکارۍ څخه مننه وکړه، زياته يې کړه چې د کار او ټولنيزو چارو وزارت د فني او حرفوي زده کړو پراختيا او له دې لارې هېوادوالو ته د کاري زمينې برابرولو برخه کې ژمن دی. د ويلو دی، چې د افغان ـ کوريا د فني او حرفوي زده کړو انستيتوت تدريسي بهير تر اويا سلنه زيات عملي بڼه لري، چې له دې وړاندې به د دولتي برق پرچاوۍ له امله ډيری وخت درسي بهير کې سکتګي را منځ ته کېده، چې له ښه مرغه د ياد سيستم جوړېدو سره سم برقي ستونزې تر ډيره حل او له دې وروسته به عملي او نظري تدريسي بهير په منظم ډول مخته ځي.

آخرین اطلاعیه هاآخرین اطلاعیه ها

شنبه ۱۴۰۴/۱۰/۱۳ - ۹:۱۳
Background image

اطلاعیه وزارت کار و امور اجتماعی به کسبه کاران و اهل حرفه!

شنبه ۱۴۰۴/۵/۲۵ - ۱۵:۴۲
Background image

اطلاعیهٔ وزارت کار و امور اجتماعی!

وزارت کار و امور اجتماعی در نظر دارد تا  در ۲۳ حرفۀ مسلکی و شغل‌های تخصصی جدید؛  ۳۰۰۰ بست‌های کشور شاهی قطر، در سرتاسر کشور برای کارگران ماهر و مسلکی  و نیز افرادی که در طی یک سال اخیر . . .

یکشنبه ۱۴۰۲/۱۰/۲۴ - ۹:۴۶
Background image

آگهی وزارت کار و امور اجتماعی!

تازه ترین اخبار

یکشنبه ۱۴۰۴/۱۲/۱۰ - ۱۰:۱۰
Background image

دیدار والی پروان از پرورشگاه‌های آن ولایت


عزیزالرحمن منصور والی پروان با حضور در پرورشگاه‌های آن ولایت، بر حمایت همه‌جانبه از اطفال یتیم تأکید کرد.
 والی پروان ضمن اینکه جویای احوال  اطفال یتیم و بی‌سرپرست شد، از مسوولین ریاست. . .

شنبه ۱۴۰۴/۱۲/۹ - ۱۳:۴۷
Background image

توزیع پول نقدی و غیر نقدی برای ۳۶۵ طفل پرورشگاه در کندز


با فرارسیدن عید سعید فطر، برای ۲۴۰ طفل ذکور و ۱۲۵ طفل اناث پرورشگاه ولایت کندز؛غذای افطاری و البسهٔ عیدی که شامل لباس، بوت، جراب و چادر بوده ـ و هم‌چنان به هر طفل مبلغ ۳۰۰ افغانی که. . .

چهارشنبه ۱۴۰۴/۱۱/۲۹ - ۱۱:۴۱
Background image

برگزاری نشست بررسی مسودۀ ابتدایی پلان استراتیژیک درازمدت وزارت در معینیت مالی و اداری

به رهبری الحاج مولوی عبدالعزیز نصیر معین امور مالی و اداری، رؤسای واحدهای مرتبط این معینیت، آخرین مباحث خود را پیرامون تدوین مطلوب وظایف و مسئولیت‌ها، برنامه‌های آینده و چگونگی اجرای آن. . .

باز گشت به اخبار