افغان ـ کوريا د فني او حرفوي زده کړو انستيتوت کې د سولري برق سيستم فعال او پرانستل شو.

naweed_admin
Wed, Nov 23 2022 2:12 PM
Q
افغان ـ کوريا د فني او حرفوي زده کړو انستيتوت کې د ( هېومن اېډ) خيريه مؤسسې په مالي مرسته د اته زره امريکايي ډالرو په ارزښت د سولري برق سيستم فعال او نن د يو لړ مراسمو په ترڅ کې د کار چارو مرستيال مولوي مخدوم عبدالسلام سعادت او مرستندويه مؤسسې( هېومن اېډ) مسؤلينو له لوري پرانستل شو. په همدې موخه جوړو شويو مراسمو کې د کار چارو مرستيال مولوي مخدوم عبدالسلام سعادت د ( هېومن اېد) خيريه مؤسسې له مسؤلينو څخه د مننې ترڅنګ وويل: په افغانستان کې اسلامي نظام د مجاهدينو د ډيرو ستړياوو او ستونزو په ګاللو سره را جوړ شوی، چې لازمه ده ټول هيوادوال له مجاهدينو سره يو ځای، لاس په لاس د وطن د آبادۍ لپاره شپه او ورځ کار وکړي؛ څو نظام مو لا زيات مستحکم او آباد شي. مولوي مخدوم زياته کړه، چې د ا.ا.ا حکومت يو مسؤليت پذيره حکومت دی او هڅه کوي، څو د مختلفو لارو چارو د هېوادوالو خدمت او ورته د کار زمينه برابره کړي. ښاغلي سعادت د رسنيو استازو سره په خبرو کې بهر ته د افغان کارګرو د ليږد پروسې اړوند وويل: د کار او ټولنيزو چارو وزارت پلان لري؛ څو بهر ته هم افغان کارګر و ليږي؛ خو د ياد بهير اجرايي کار لا نه دی شروع شوی. نوموړي له هېوادوالو و غوښتل؛ څو د اوس لپاره هيچا ته هم ياده پروسه کې د شموليت/ نوم ليکنې په موخه پيسې ور نه کړي او هر وخت چې بهر ته د افغان کارګرو د ليږد عملي بهير پيل شي د کار او ټولنيزو چارو وزارت به يې ټول جزئيات د رسنيو له لارې هيوادوالو ته اعلان کړي. يادو مراسمو کې د ( هېومن اېډ) خيريه مؤسسې مسؤل وليد احمدي هم خبرې وکړې؛ افغان ـ کوريا انستيتوت کې د سولري برق جوړولو اړوند يې د خوښۍ په څرګندولو سره، په اوس وخت کې د ورته مراکزو ملاتړ او افغانانو لاسنيوی لازمي او ايماني وجيبه و بلله، زياته يې کړه چې ( هېومن اېډ) مؤسسې په زياتو برخو کې د اړمنو افغانانو لاسنيوی کړی او هڅه کوي؛ څو راتلونکي کې هم د خپلو امکاناتو په محدوده کې له اړمنو هېوادوالو او ورته مراکزو سره مرسته او همکاري وکړي. غونډه کې د کار او ټولنيزو چارو وزارت د فني او حرفوي زده کړو مرکزونو د تنظيم رئيس الحافظ مولوي ميرحاتم هم خبرې وکړې؛ د سولري برق برخه کې يې د ( هېومن اېډ) مؤسسې له همکارۍ څخه مننه وکړه، زياته يې کړه چې د کار او ټولنيزو چارو وزارت د فني او حرفوي زده کړو پراختيا او له دې لارې هېوادوالو ته د کاري زمينې برابرولو برخه کې ژمن دی. د ويلو دی، چې د افغان ـ کوريا د فني او حرفوي زده کړو انستيتوت تدريسي بهير تر اويا سلنه زيات عملي بڼه لري، چې له دې وړاندې به د دولتي برق پرچاوۍ له امله ډيری وخت درسي بهير کې سکتګي را منځ ته کېده، چې له ښه مرغه د ياد سيستم جوړېدو سره سم برقي ستونزې تر ډيره حل او له دې وروسته به عملي او نظري تدريسي بهير په منظم ډول مخته ځي.

Latest news

Tue, Apr 27 2021 12:59 AM
Background image

MOSA inaugurates the National Center of Excellence by the worth of $10 Million in AKVTI.

Ministry of Labor and Social Affairs inaugurated the National Center of Excellence in the Afghan-Korea Vocational Training Institute in the presence of Bashir Ahmad Tahyanj, Minister of. . .

Sun, Sep 27 2020 11:39 AM
Background image

Molsa to hold a conference to take final steps about placing Afghan Labor Force abroad

  • In a meeting with the Association of employment companies His Excellency

    Bashir Ahmad Tahyanj Said, that is near future with the full cooperation of internal

    employment. . .

Sat, Sep 19 2020 2:46 PM
Background image

Molsa provides educational opportunities for twenty derelict children in Parwan province.

Ministry of Labor and social Affairs has provided the opportunities for twenty derelict children who have lost their parents in the latest flooding of Parwan province.

A delegation led. . .

BACK TO NEWS