د تقنین او د کار حقوقو ریاست ۱۰۶۰ مورده کتبي او شفاهي حقوقي مشورې ورکړې دي
د افغانستان اسلامي امارت تر بیاځلي حاکمیت وروسته، د کار او ټولنیزو چارو وزارت د تقنین او د کار حقوقو ریاست توانیدلی، چې د کار په برخه کې د امارتي او غیرامارتي ادارو کارکوونکو، کارګرانو او کارګمارونکو ته د حقوقو د تأمین، صلاحیتونو، مکلفیتونو او د اختلافاتو د مخنیوي او حل په برخو کې ۶۳۰ عنوانه کتبي او ۴۳۰ مورده شفاهي حقوقي مشورې ورکړې دي.
همداراز یې د کار اړوند ۳۷ عنوانه تقنیني اسنادو باندې د بیاځلي کتنې سربېره؛ د کار قانون مسودې نوې طرحه تدوین کړې، چې د تدقیق پړاوونه یې بشپړ شوي او د توشیح په منظور د مشرتابه عالي مقام ته وړاندیز شوې ده. په همدې توګه د اړوندو همکارو ادارو په مرسته یې د افغان کارګرانو د ملي اتحادیې نوې اساسنامه چمتو کړې او هم یې د وزارت د دندو او مکلفیتونو او د ټولنیز ملاتړ د تنظیم د قوانینو د مسودو طرحې او د کار انیسټیټیوټ، راستنېدونکو افغانانو ته د کارموندنې د لارو چارو د برابرېدلو او بهرنیو او کورنیو وګړو ته د کار جواز د وېشلو د څرنګوالي نوي طرزالعملونه ترتیب او د روزنتونونو او ټولنیزو تأمیناتو د تنظیم ریاستونو کاري لارښودونه د اجرااتو په موخه چمتو کړي دي
