ارزګان کې ۲۹۰ تنه یتیمو او بېسرپسته ماشومانو ته د قرطاسې او حفظالصحي توکي ووېشل شول
د ارزګان ولایت د کاراوټولنیزو چارو ریاست له لوري په مرکز ترینکوټ کې ۲۹۰ تنه یتیمو او بېسرپرسته ماشومانو ته د دوه میلیونه افغانیو په ارزښت د قرطاسیې او حفظالصحې توکي ووېشل شول.
په همدې مناسبت جوړې شوې غونډې ته د ارزګان ولایت د کار او ټولنیزو چارو رئیس الحاج قاری عزیزالله جهادمل په خپلو خبرو کې وویل: په یادو توکو کې قلم، کتابچه، شامپو، صابون، د غاښونو برس او کریم، رویپاک، دستپاک، چپرکټ، دوشک، کمپلې او د خونو لپاره غالۍ او فرش شامل دي.
همداراز نوموړي په خپلو خبرو کې زیاته کړه، د کار او ټولنیزو چارو وزارت دا خپل مسئولیت ګني، ترڅو په هېواد کې د یتیمو او بېسرپرسته ماشومانو ساتنه، پالنه، ملاتړ او هغوی ته د ژوندانه آسانتیاوې برابرې کړي.
