بلخ ولایت ته د کار او ټولنیزو چارو وزیر کاري سفر
د کاراو ټولنیزو چارو وزیر بشیر احمد ته ینج په داسې حال کې چې د کاري چارو مرستیال سید عبدالکریم هاشمي، یو شمیر رئیسانو او سلاکارانو یې هم ملتیا کوله، بلخ ولایت ته سفر و کړ.
بلخ ولایت ته په رسیدو سره یې لومړی د بلخ والي محمد فرهاد عظیمي سره و کتل او د خپل کاري سفر موخه یې له نوموړي سره شریکه او د بلخ ولایت د کار او ټولنیزو چارو ریاست کړنو اړوند یې د نوموړي له همکارۍ او ملاتړ څخه مننه وکړه.
د بلخ ولایت والي محمد فرهاد عظیمي د کار او ټولنیزو چارو وزیر او مل پلاوی ته د ښه راغلاست په ویلو سره، مخکنیو ماموریتونو کې د کار او ټولنیزو چارو وزیر له کړنو څخه خوښي څرګنده کړه و یې ویل: ډاډه یو، چې د کار او ټولنیزو چارو وزارت له ادرسه به هم د هیوادوالو د لا ښه خدمت جوګه شئ، نوموړي زیاته کړه، چې د بلخ ولایت د کار او ټولنیزو چارو ریاست د ولایت مقام سره ښه همغږي لري او یو فعال ریاست دی.
د بلخ والي، یاد ولایت ته د کار او ټولنیزو چارو ریاست اړوند ستونزو اوریدو او حل په پار د کار او ټولنیزو چارو وزیر سفر څخه د مننې تر څنګ د کار او ټولنیزو چارو وزارت له برنامو څخه ملاتړ او د همکارۍ ژمنه یې و کړه.
وروسته د کار او ټولنیزو چارو وزیر بلخ ولایت کې د ترکمن هیوادوالو تحصن خیمې ته ورغی، د هغوی د احوال پوښتنه یې و کړه او د تحصن خیمې د خلکو د ستونزو اوریدو او تر امنیتي چارواکو او بانفوذه شخصیتونو د هغوی د غږ رسولو ژمنه یې و کړه.
د کار او ټولنیزو چارو وزیر د خپل کاري سفر په اوله ورځ د بلخ مخکني والي عطامحمد نور او ولسي جرګه کې د یاد ولایت د خلکو استازي عالم خان آزادي سره هم و کتل، د اړونده کاري موضوعاتو تر څنګ یې ورسره د تحصن کوونکو غوښتنې هم شریکې کړې.
د ویلو ده، چې د کار او ټولنیزو چارو وزیر بشیر احمد ته ینج او ورسره مل پلاوی به سبا د یاد ولایت د کار او ټولنیزو چارو ریاست کارکوونکو او نورو تولنیزو شریکانو سره هم د هغوی د ستونزو اوریدو او حل په موخه و ګوري.
