دکار او ټولنیزو چارو وزارت کې د قابلیتونو د تثبیت بورډ ناسته وشوه
د کار او ټولنیزو چارو وزارت؛ د کار چارو معین الحاج مولوي محمد زاهد احمدزي په مشرۍ د لوړو زدهکړو وزارت او د تخنیکي او مسلکي زدهکړو د ادارې له استازو په ګډون د قابلیتونو د تثبیت بورډ ناسته ترسره شوه.
په پیل کې دکار چارو معین الحاج مولوي محمد زاهد احمدزي په خپلو خبرو کې وویل: د افغانستان اسلامي امارت په ځانګړي ډول د کار او ټولنیزو وزارت هڅه داده ترڅو په ټولنه کې د بیکاری کچې راټيټولو او همدارنګه د کار بازار غوره تنظیم په موخه د کار انسټیټیوټ په منظم ډول فني، حرفوي او مسلکي کاریګرو قابلیتونه تثبیت کړي؛ او دې موخې ته د رسیدنې لپاره د امارتي ادارو او خصوصي سکتور ګډې همغږۍ او همکارۍ ته اړتیا ده.
مولوي محمد زاهد احمدزي زیاته کړه: په معیاري ډول د قابلیتونو تثبیت بهر هېوادونو ته د مسلکي کاریګرو د لېږد په پروسه کې هم ډاډ او اسانتیا رامنځته کوي.
ورپسې د لوړو زدهکړو وزارت او د تخنیکي او مسلکي ادرې استازي په خپلو خبرو کې کار بازار تحلیل او اړتیاوو ته په کتو سره د فني او حرفوي زدهکړو د کمیت او کیفیت ته پر پاملرنې د ټینګار سربېره په معیاري ډول د قابلیتونو په تثبیت کې د هر ډول همکاریو ډاډ ورکړ.
