د افغانستان او سعودي عربستان د شاهي حکومت ترمنځ د امنتي همکاریو د هوکړه لیک په مسودې بحث وشو
دغه ناسته چې ټولنیزو چارو په معینیت کې، د افغانستان او سعودي عربستان د شاهي حکومت ترمنځ د امنیت همکارۍ تړون د مسودې د بحث لپاره جوړه شوې وه؛ لومړی، د بشري سرچینو او د کاري اړیکو رییس عبیدالله بارکزي مسوده تشریح کړه او وویل، د ننۍ ناستې اصلي موخه د دې تړون د ځینو مادو په اړه نظرونه وړاندې کول دي، چې په کار، کارګرانو او ماشومانو پورې اړه لري نو هڅه کوو د وزارت نیکې لارښونې په مسوده کې ځای پر ځای کړو.
ښاغلي بارکزي زیاته کړه: " له نېکه مرغه، د سعودي عربستان شاهي دولت به په نږدې راتلونکي کې د کار په قانون بیاکتنه وکړي، چې د هغې ډیری مادې به د بهرني کارګرانو په ګټه بدله شي." روسته بیا د ټولنیزو چارو مرستیال غلام حیدر جیلاني د مسودې په هغو موضوعاتو خپل نظرونه څرګند کړل چې بدلون ته اړتیا لري. نومړوي همدا رانګه زیاته کړه؛ په دې هوګړه لیک کې باید د اشومانو د رد مرز مسله څرګنده شي او اړینه ده چې په افغانستان کې د عربستان سفارت کې یوه حقوقي برخه جوړه شوي ترڅو وکولای شي د کارګرو له حقونو څخه دفاع وکړي.
دغه هوکړه لیک به د سعودي عربستان له شاهي حکومت سره د سلا مشورو وروسته او د اړونده بنسټونو د نظرونو په ګډون لاسلیک شي؛ وروسته به بیا سعودي عربستان ته د افغان کارګرانو لیږدلو پروسه پیل شي چې دا هوکړه لیک به د افغان کارګرانو قانوني خوندیتوب لپاره یوه مناسبه تګلاره وي.
