د افغانستان د فني او حرفوي زده کړو معلوماتي سيستم جوړ او په نږدې راتلونکي کې به رسما پرانستل شي.

دغه سيستم د اروپايي ټولنې او GIZ په مرسته د ډاکار مؤسسې له خوا د کار او ټولنيزو چارو وزارت سره په همغږۍ جوړ او په نږدې راتلونکي کې به پرانستل شي.
د کار او ټولنيزو چارو وزارت د کاري چارو مرستيال سيدعبدالکريم هاشمي د اروپايي اتحاديې، GIZ, ډاکار او نورو زيربطه ادارو استازو سره په ناسته کې د ياد سيستم پر لا غني کولو ټينګار و کړ او مسؤلينو ته يې لازمې لارښوونې و کړې. نوموړي ياد سيستم د کار بازار مطالعې او مسلکي کسانو سره د کار موندنې په برخه کې ګټور و باله.
د ويلو ده، چې دغه سيستم کې به د هيواد په سطحه د ټولو دولتي او خصوصي ادارو له خوا د فني او حرفوي زده کړو برخه کې روزل شوي فارغان ثبت شي، چې د کار او ټولنيزو چارو وزارت سره به د کار بازار مطالعې او کار ور کوونکو ادارو سره به د مسلکي کارګرو پيدا کولو کې ډيره مرسته و کړي.