د شا او خوا شپږ سوه او پنځوس زره امریکایي ډالرو په ارزښت د لوګر ولایت د روزنتون ودانۍ د بنسټ ډبره کېښودل شوه.

publish
چهارشنبه ۱۳۹۸/۳/۲۲ - ۱۵:۵۲
۱

په همدې موخه د کار او ټولنیزو وزارت د ستر سلاکار عبدالقیوم زاهدي په مشرۍ یو لوړ رتبه هیئت لوګر ولایت ته سفر و کړ او د یاد ولایت د چارواکو سره تر لیدنې وروسته یې د نوموړي ولایت لپاره د روزنتون ودانۍ د بنسټ ډبره کېښوده.

د کار او ټولنیزو چارو وزارت ستر سلاکار عبدالقیوم زاهدي د لوګر والي محمد انور اسحاق زي سره د لیدنې پر مهال نوموړي سره د سفر په اړه معلومات شریک کړل، زیاته یې کړه، چې د ولسمشر د ځانګړې پاملرنې او فرمان په اساس او د کار، ټولنیزو چارو، ښار جوړونې او مالیې وزارتونو د درې اړخیزه هوکړه لیک په اساس ۱۳ ولایتونو کې د مخکې جوړو شویو موادو او دیوالونو څخه روزنتونونه جوړیږي، چې په روان کال کې به د لوګر ولایت په شمول پنځو ولایتونو کې روزنتونونه جوړ او ګټې اخیستنې ته و سپارل شي.

 د  اراضي او ښار جوړولو وزارت استازي د یاد روزنتون د بنسټ د ډبرې ایښودلو مراسمو کې وویل، چې یاد روزنتون به د درې نیمو میاشتو په بهیر کې د لوړ کیفیت لرونکو مخکې جوړو شویو ساختماني ټوټو څخه جوړ او تر جوړیدو وروسته د دې وزارت اړوند ولایتي ریاست په واک کې ور کړل شي.

د لوګر والي محمد انور خان اسحاق زي د کابل څخه ورغلي هیئت ته د ښه راغلاست او د کار او ټولنیزو چارو وزارت رهبرۍ څخه د مننې ترڅنګ زیاته کړه، د خوښۍ ځای دی، چې د لوګر ولایت د بې سرپرسته ماشومانو لپاره د روزنتون سهمیه ور کړل شوې ده، نوموړي ژمنه و کړه، چې د لوګر ولایت ولس او سیمه ایزه اداره به د یاد روزنتون او بې سرپرسته ماشومانو په ښه روزنه او ساتنه کې زیاته هڅه و کړي.

لوګر ولایت ته د کار او ټولنیزو چارو وزارت څخه ورغلي پلاوي مشر عبدالقیوم زاهدي همدارنګه د یاد ولایت د وړکتون، فني او حرفوي زده کړو مرکز څخه هم لیدنه و کړه او د چارو د لا ښه والي په موخه یې مسؤلینو ته لازمې لارښوونې و کړې.

د ویلو دی، چې اوس مهال په هیواد کې ۶۷ دولتي او خصوصي روزنتونونه فعالیت لري، چې شا او خوا لس زره بې سرپرسته ماشومان په کې ساتل او روزل کیږي.

تازه خبرونه

یکشنبه ۱۴۰۲/۱۲/۲۰ - ۱۵:۴۰
Background image

۵۱۲ تنه له اعتیاد څخه رغېدلي اشخاص د فني او حرفوي زده‌کړو له مرکزه فارغ شول؛


د کار او ټولنیزو چارو وزارت د پلچرخي (امېد کمپ) د فني او حرفوي ز ده‌کړو له مرکزه ۵۱۲ تنه له اعتیاد څخه رغېدلي اشخاص د څلورو میاشتنیو زده‌کړو ترلاسه کولو وروسته فارغ او د وزارت د رهبرۍ. . .

یکشنبه ۱۴۰۲/۱۲/۲۰ - ۱۵:۳۴
Background image

کابل کې سلګونه امارتي او غیر امارتي کارمندانو ته د ظرفیتونو لوړولو زمینه برابره شوه؛


د کار او ټولینزو چارو وزارت انسټیټیوټ مسوولین وایي، چې سلګونه امارتي او غیرامارتي کارمندانو ته یې د ظرفیت لوړولو زمینه برابره کړې ده. 
دا انسټیټیوټ د نویو استخدام شوو امارتي او غیر. . .

شنبه ۱۴۰۲/۱۲/۱۹ - ۱۰:۴۶
Background image

پکتیا کې له ۳۵۰ تنو یتیمو او بې سرپرسته ماشومانو سره نقدي مرسته وشوه؛


د پکتیا ولایت د کار او ټولنیزو چارو ریاست په همکارۍ او د ترکیې هېواد د یوه خیریه بنسټ په مالي ملاتړ د دې ولایت له  ۱۰۰  تنو یتیمو او بې‌سرپرسته ماشومانو سره نقدي مرسته وشوه.
یاده مرسته. . .

بیرته خبرونو ته