د کار او ټولنيزو چارو وزارت رئيسانو سره د سرپرست وزير د پيژندګلوۍ ناسته
د کار او ټولنيزو چارو وزارت سرپرست، مرستيالانو، رئيسانو او سلاکارانو ترمنځ د پيژندګلوۍ او ستونزو ته پر وخت د رسېدو ناسته جوړه شوه.
دې ناسته کې د کار او ټولنيزو چارو سرپرست بشير احمد ته ينج د رئيسانو څخه و غوښتل؛ څو د وزارت د کړنو، لاسته راوړنو، ستونزو او محدوديتونو اړوند خبرې و کړي او د يادو ستونزو د حل په موخه خپل وړانديزونه او حل لارې هم بيان کړي؛ څو په راتلونکي کې د وزارت په سطحه تصميم نيونه او لويو پلانونو جوړولو کې ور څخه ګټه واخيستل شي.
ناسته کې د کار او ټولنيزو چارو وزارت مرستيالانو او رئيسانو، په لنډ ډول خپل کاري راپورونه د وزارت رهبرۍ سره شريک او د وزارت د موخو او راتلونکو پلانونو اړوند يې خبرې و کړې؛ دوی همدارنګه يو لړ ستونزې لکه بهر ته د کارګرانو د ليږلو پروسې ځنډ، د بودجې کمښت، د وزارت د کارکوونکو تنقيص، فني او حرفوي زده کړو مرکزنو کې شته ستونزې د وزارت نوې رهبرۍ سره شريکې کړې.
د کار او ټولنيزو چارو وزارت سرپرست بشير احمد ته ينج د رئيسانو تر خبرو اورېدو وروسته وويل، چې د پيژندګلوۍ دې ناستې کې يې د وزارت عمومي ليدلوری او د کړنو او ستونزو اړوند ښه معلومات تر لاسه کړل؛ نوموړي ژمنه و کړه، چې په ښه نېت او د وزارت ټولو کارکوونکو سره به ستونزو ته حل لارې و لټوي.
