د کار او ټولنيزو چارو وزارت سرپرست سره د فريدريش ايبرت بنسټ ( FES) د مشرې ليدنه
د کار او ټولنيزو چارو وزارت سرپرست بشير احمد ته ينج د فريدريش ايبرت بنسټ ( FES) له مشرې داکتر مکدلينا کچنر سره د خپل کار په دفتر کې و کتل.
دې ليدنه کې دواړو لوريو د ټولنيز عدالت، د خصوصي سکتور پر پراختيا او د سولې پروسه کې د کارګرانو د حقوقو پر خونديتوب هر اړخيزې بحث و کړ.
ميرمن مکدلينا وويل: فريدريش ايبرت بنسټ يو غير انتفاعي المانی بنسټ دی، چې د سياسي، اقتصادي او ټولنيز پرمختګ، نړيوالې مفاهمې او سياسي زده کړو برخو کې فعاليت کوي.
نوموړې د سولې پروسه کې د ټولنيز عدالت او کارګرانو حقوقو خونديتوب مهم و باله، زياته يې کړه، چې هيله لرو، دواړه لوري دې برخې ته ډيره پاملرنه و کړي.
د کار او ټولنيزو چارو وزارت سرپرست بشير احمد ته ينج مېلمنو ته د ښه راغلاست ترڅنګ د نړيوالو له مرستو څخه مننه و کړه و يې ويل: د افغانستان جنګ يوازې سياسي اړخ نه لري؛ بلکې فقر او بېکاري يې هم له مهمو عواملو څخه بلل کيږي او دې ستونزو ته رسيده ګي د سولې په راتګ کې ډيره مرسته کولای شي، چې اوس مهال بايد د سولې اړوند د مرکچي پلاوي دواړه غاړې دې برخو ته ډيره پاملرنه و کړي.
ښاغلي ته ينج په دې برخه کې د سولې پروسې څخه د نړيوالو ملاتړ کوونکو هيوادونو رول هم مهم ياد کړ او د همکارۍ غوښتنه يې و کړه.
دې ليدنه کې دواړو لوريو د سولې پروسه کې د کارګرانو د حقوقو پر خونديتوب او د دې لپاره د عدالت غوښتنې په موخه پر ګډ کار ټينګار و کړ.
