د کار او ټولنیزو چارو وزارت، همکارو مؤسساتو سره د څه باندې یو میلیارد افغانیو په ارزښت هوکړه لیکونه لاسلیک کړل
د کار او ټولنیزو چارو وزارت مالي او اداري او د کار چارو معینانو، د ۱۵ ملي او نړیوالو مؤسساتو سره د څه باندې یو میلیارد افغانیو په ارزښت ۲۲ هوکړه لیکونه لاسلیک کړل.
په هغو مراسمو کې چې په همدې مناسبت جوړ شوي وو، د وزارت مالي او اداري معین مولوي دینمحمد حقبین خپلو خبرو کې مېلمنو ته د ښه راغلاست سربېره څرګنده کړه: د خوښۍ ځای دی چې نن د هېواد د مختلفو ولایتونو د اړمنو او بېوزله اوسیدونکو څخه د ملاتړ په موخه پروژې لاسلیک شوې، چې په تطبیق سره نه یوازې دا چې هغوی ته خدمات عرضه شي؛ بلکه په مستقیم او غېرمستقیمه توګه به د کاریابۍ زمینه هم برابره شي. نوموړي ټینګار وکړ چې مؤسسات باید د افغانستان د اسلامي امارت د اصولو سره سم خپل فعالیتونه ترسره او د خدماتو د وړاندې کولو په برخه کې دې شفافیت او عدالت په پام کې ونیسي.همداراز یې ټینکار درلود چې بشري مرستې نباید سیاسي ملحوظاتو سره وتړل شي، بلکه د افغانستان د خلکو ستونزو ته په کتو پدې برخه کې پرته له هېڅراز توپير او تعصب څخه عملي اقدام وشي.
و رپسې د کار چارو معین مولوي محمد زاهد جانآغا هم خپلو خبرو کې د هېواد په سطحه د کار د زمینو د برابرولو، اړمنو اقشارو ته د رسیدګۍ او په نورو اړونده برخو کې د وزارت مشرتابه د ژمنتیا او د پاملرنې څخه ډاډ څرګند؛ او له مؤسساتو یې وغوښتل چې د خپلو پروژو په تطبیق کې دې د وزارت سره په همغږۍ او مشترکه توګه کار وکړي ترڅو هېوادوالو ته خدمات په غوره توګه وړاندې شي.
د ویلو ده چې یاد ۲۲ هوکړه لیکونه چې له امله به یې د هېواد په ۲۵ولایتونو کې ۱۶۷زره تنه مستفید شي، د ماشومانو څخه د ملاتړ، روزنتونونو کې د بېسرپرسته او یتیمو ماشومانو سره مرسته او د هغوی کفالت، د فن او حرفو زدهکړو، بشري مرستو او د اعتیاد څخه رغېدلو اشخاصو ته د کارموندنې په برخو کې د ۱ میلیارد او ۷۹ میلیونه افغانیو په ارزښت لاسلیک شول.
نننۍ ناسته کې د کار او ټولنیزو چارو وزارت د ماشومانو څخه د ساتنې رئیس مولوي سعدالدین مطمئن، د فني او حرفوي زدهکړو د مراکزو د تنظیم رئیس مولوي عبدالواحد فایز، د بهرنیو اړیکو ریاست سرپرست حافظ عزیزالرحمن؛ او د وزارت ویاند سمیعالله ابراهیمي هم ګډون درلود.
