د کار او ټولنیزو چارو وزارت کې د غیر مالیاتي عوایدو په تړاو ناسته وشوه
د کار او ټولنیزو چارو وزارت؛ مالي او حسابي رئیس الحاج مولوي احمدالله رفیق د ماليې وزارت د عوایدو لوی ریاست اړوند د غیرمالیاتي عوایدو له استازو سره ناسته وکړه.
کتنه کې دواړو لوریو پریکړه وکړه؛ چې په ګډه همغږۍ او همکاری به د عوایدو د اتلاف ساحاتو د پیژندنې سربېره؛ د عایداتي سرچینو د زیاتوالي، د ارزښتناکو اسنادو په معیاري کولو، د ارشیف اړوندو موضوعاتو، د کار جوازونو، املاکو او د اجناسو په کمیت او کیفیت کې غورهوالي او پراخوالي راولي؛ ترڅو په چارو کې د روڼتیا سربېره په لګښتونو کې سپما، په خپل وخت د چارو د ترسره کېدل او په ټوله کې د کار او ټولنیزو چارو وزارت په عوایدو کې ډیروالی او پراخوالی راشي.
د کار او ټولنیزو چارو وزارت مالي او حسابي رئیس الحاج مولوي احمدالله رفیق د ماليې وزارت له استازو سره په دې ډګر د کوټلو ګامونو او همکاریو ژمنه وکړه.
