د کار د چارو مرستیال وزیر د خپل سفر په لړ کې سمنګانو ولایت ته ورسید.
د کار او ټولنیزو چارو وزارت د کار د چارو مرستیال وزیر الحاج مولوي مخدوم عبدالسلام سعادت چې د یو پلاوی په مشرۍ د هیواد شمال ته سفر کړې دي؛ نن د سمنګانو ولایت مرکز ایبک ښار ته ورسید.
په سر کې د کار د چارو مرستیال وزیر د سمنګانو والي، رییسانو، د کار او ټولنیزو چارو ریاست له ځینو کارکوونکو، همکاره مؤسساتو او د دولایت له مسوولانو سره ولیدل.
سنمګان ولایت او په ټوله کې د هیواد شمال ته، د کار د چارو مرستیال د خپل سفر موخې: اداري خڼډونه ته رسیدنه، د سیمینارونو وړاندې کول، د سمنګان ولایت په محلي ادارو کې د کاري بهیر څخه څارنه په ګوته کړي او زیاته یې کړه چې په ولایاتو کې د نظام مسوولین باید د اسلام ستر پیغمبر (ص) اخلاق خپله الګو وګرځوي او د شریعت اصولو او همداراز د اسلامي انقلاب د شهیدانو وینو په نظر کې نیولو سره ګام واخلي.
مولوي مخدوم یو ځل بیا په ټینګار سره وویل چې کاري غفلت او له خلکو سره نامناسب چلند د منلو وړ نه ده؛ اړتیا ده چې مسوولانه او جدي کار او هڅه په کار واچوو ترڅو د شهیدانو وینو ته درناوی شوې وي، ځکه خلکو ته صادقانه خدمت د شهیدانو له آرمانونو څخه وو.
مولوي مخدوم ټول مأمورین او کارکوونکی د اسلامي نظام ترچتر لاندې صادقانه او مخلصانه کار ته راوبلل او زیاته یې کړه چې موږ د اسلامي امارت نظام د ټینګښت لپاره خپل سرونه په ورغوي کې ونیول او له ستاسو غواړو چې خپل مسوولیتونه په صادقانه او مخلصانه توګه ادا کړئ.
د ویلو وړ ده چې د کار د چارو مرستیال وزیر د سمنګانو والي سره په یوه بیله لیدنه کې د یوې شفافه او ځواب ویونکی اداری په درلودلو ټینګار وکړ.
