د کار چارو معین په افغانستان کې د کارموندنې خصوصي شرکتونو د ټولنې له رئیس سره وکتل
د کار او ټولنیزو چارو وزارت د کار چارو معین الحاج مولوي محمدزاهد احمدزي د خپل کار په دفتر کې نن د کارموندنې خصوصي شرکتونو د ټولنې له رئیس الحاج نورالله فدوي او نورو استازو سره وکتل.
په پیل کې الحاج نورالله فدوي په خپلو خبرو کې د خپلو فعالیتونو، لاستهراوړنو، راتلونکو پلانونو، ستونزو او ننګونو په اړه معلومات شریک او همداراز د بیکارۍ د کچي د ټیټولو، ځوانانو ته په بېلابېلو برخو کې د کاري فرصتونو د برابرولو؛ غيرقانوني مهاجرتونو څخه د مخنيوي، بهر هېوادونو ته د مسلکي کاریګرو د لېږد او هلته له پخوا مېشتو افغان کاریګرو د ستونزو د حل پر څرنګوالي تفصیلي خبرې وکړي.
ورپسې د کار او ټولنیزو وزارت د کار چارو معین الحاج مولوي محمدزاهد احمدزي د کارموندنې د خصوصي شرکتونو د لاستهراوړنو او فعالیتونو د ستاینې سربېره په خپلو خبرو کې وویل: ستاسو د همکاریو او نږدې همغږیو سره د افغانستان اسلامي امارت په ځانګړي ډول د کار او ټولنیزو چارو وزارت هوډمن دی؛ چې له کارګرمنونکو هېوادونو سره تر تفاهماتو وروسته؛ په قانوني او شفاف ډول د مسلکي کاریګرو لیږد پروسه شروع کړي؛ چې په دې برخه ډیر دقت او هلو ځلو ته اړتیا .ده؛ هېلهمن یو چې له دې بهیر سره په هېواد کې د بیکارۍ کچه راټیټه او ځوانانو ته په بهر کې د کار زمینه برابره شي
