ننګرهار کې له فني او حرفوي زده‌کړو څخه ۶۰ تنه ځوانان فارغ شول

naweed_admin
پنجشنبه ۱۴۰۳/۵/۱۱ - ۱۰:۳۹
Q


ننګرهار ولایت کې ۶۰ تنه ځوانان د فني او حرفوي زده‌کړو له اوه میاشتنۍ دورې وروسته فارغ او د ماهرو او نیمه ماهرو کاریګرو په توګه د کار بازار ته وړاندې شول.
په همدې مناسبت جوړه شوې غونډه کې چې د ولایتي ادارې د مختلفو ریاستونو استازو، علمای کرامو او ځایي خلکو حضور درلود؛ د ننګرهار ولایت د کار او ټولنیزو چارو رئیس مولوي فریدالله حقاني په خپلو خبرو کې فارغ شویو ځوانانو ته د مبارکۍ سربېره وویل: اقتصادي ستونزې، د بېکارۍ لوړه کچه او بېوزلۍ د افغانانو د ژوندانه سترې ستونزې دي، د کار او ټولنیزو چارو وزارت له همدې ستونزو سره د جدي مبارزې په منظور د هېواد په مختلفو ولایتونو کې په خپلو اړوندو مراکزو کې هېوادوالو په تېره بیا ځوان قشر ته د کار بازار د اړتیاوو مطابق د زده‌کړو زمینې برابروي، ترڅو له یوې خوا یې ماهر کاریګر روزلي وي او بلې خوا یې د بېکارۍ کچې د راټیټولو په لاره کې خپل مسؤلیت ترسره کړی وي. 
نوموړي همدا راز وویل: همدې موخې ته د رسېدو په درشل کې دا دی نن د ننګرهار ولایت د غني‌خېلو ولسوالۍ د فني او حرفوي زده‌کړو له مرکز څخه د ۶۰ تنو ځوانانو د فراغت شاهدان یو، چې د اوه میاشتنیو نظري او عملي زده‌کړو ترلاسه کولو وروسته یې د مبایل ترمیم، موټرسایکل جوړولو او خیاطۍ له حرفو څخه د فراغت سندونه ترلاسه او د ډاکار همکارې مؤسسې په ملاتړ د اړوندو حرفو کاري وسایل هم پرې ووېشل شول.
ورپسې د د ډاکار مؤسسې د ختیځ زون مسؤل حاجي محمدامین اخندزاده هم خپله لنډه وینا کې د کار او ټولنیزو چارو وزارت له لوري د اسانتیاوو د برابرولو په برخه کې د مننې سربېره د خپلو فعالیتونو په اړه معلومات شریک او زیاته یې کړه: یادو ځوانانو ته د زده‌کړو په بهیر کې ۴۰۰۰ افغانۍ میاشتنی معاش هم ورکول کېده او هیله مندیم تر فراغت وروسته د اړوندو حرفو له طریقه د کار بازار کې خپل مسؤلیت ترسره او د خپلو کورنیو لپاره حلال رزق وګټي.

آخرین اطلاعیه هاآخرین اطلاعیه ها

شنبه ۱۴۰۴/۵/۲۵ - ۱۵:۴۲
Background image

د کار او ټولنیزو چارو وزارت خبرتیا!

د کار او ټولنیزو چارو وزارت دا ځل په پام کې لري، چې د تېر اعلان په تعقیب سره په ۲۳ نویو حرفو کې د هېواد په ټولو ولایتونو کې د ماهرو او مسلکي کارګرانو او په تېر یوه کال کې بېکاره . . .

شنبه ۱۴۰۳/۷/۱۴ - ۹:۲
Background image

د کارموندنې خبرتیا!

د کار او ټولنیزو چارو وزارت په پام کې لري؛ چې کار اهل کار ته د سپارلو او د متخصص او باتجربه شخص د استخدام په منظور ؛ خپل د داخلي تفتیش ریاست اړوند، د [متفتشینو لومړۍ ګروپ آمریت] د آزادی . . .

جمعه ۱۴۰۳/۷/۶ - ۱۰:۵۵
Background image

د کار او ټولنیزو چارو وزارت خبرتیا!

د کار او ټولنیزو چارو وزارت په پام کې لري، چې مسلکي کادرونو د روزلو او کارپنځونې په پار، د راډیولوژۍ او بیومیډیک انجنيرۍ د وسایلو د ترمیم په برخو کې په لاندې شرایطو برابرو هېوادوالو ته . . .

تازه خبرونه

پنجشنبه ۱۴۰۴/۶/۶ - ۱۱:۴۷
Background image

پکتیکا کې ۱۰۰ تنو اړمنو ماشومانو ته کورني کېټونه ووېشل شول

د پکتیکا ولایت د کار او ټولنیزو چارو ریاست په هڅو؛د وزیر محمد اکبرخان او سلیمان فارسي روزنتونونو ۱۰۰ تنو اړمنو ماشومانو ته کورني کېټونه، چې پکې حفظ‌الصحې او د ورځني ژوند اړین توکي شامل. . .

چهارشنبه ۱۴۰۴/۶/۵ - ۸:۳۸
Background image

د کار او ټولنیزو چارو وزیر الحاج مـــلا عــــبدالمنان عــمري د کندهار ولايت له صنعتي ښارګوټي څخه ليدنه وکړه

د کار او ټولنیزو چارو وزیر الحاج مـــلا عــــبدالمنان عــمري کندهار ولایت ته په خپل رسمي سفر کې د ښور انــدام د صنعتي ښارګوټي له مختلفو برخو څخه لیدنه ترسره او هلته یې د مېشتو. . .

یکشنبه ۱۴۰۴/۶/۲ - ۱۵:۵۳
Background image

کابل کې ۲۱۶ تنه اړمنو او بېوزله کسانو ته کاري وسایل ووېشل شول

د کار او ټولنیزو چارو وزارت په هڅو او همغږۍ؛ د کابل په شکردرې ولسوالۍ کې ۲۱۶ تنه اړمنو او بېوزله کسانو ته، چې د ځانګړې سروې په ترڅ کې تشخیص شوي وو د کوچنيو کاروبارونو د زمينې برابرولو. . .

بیرته خبرونو ته