په خوست کې د فني او حرفوي زده کړو څخه ۱۱۰ تنه ځوانان فارغ شول
د خوست ولایت دکار او ټولنيزو چارو رياست په هڅو؛ ۱۱۰ تنه ځوانان له فني او حرفوي زده کړو څخه فارغ شول.
دغه ځوانان د برښنا، کمپیوټر زدهکړې او د موبايل ترمیم په حرفو کې تر شپږو میاشتنیو عملي او نظري زدهکړو وروسته فارغ او د ماهرو کاريګرو په توګه د کار بازار ته وړاندې شول.
هغې غوندې ته، چې په همدې مناسبت جوړه شوې وه، د خوست ولایت دکار او ټولنيزو چارو رياست استازي په خپلو خبرو کې فارغانو ته د مبارکۍ سربېره له هغوی وغوښتل ترڅو له وخت او له شته مهارتونو څخه په بشپړ ډول استفاده وکړي تر څو ټولنې ته ریښتنینی خدمات ترسره او خپلې کورنۍ ته حلاله نفقه پیدا کړي.
