پکتيا ولايت کې ٦٠٠ تنو یتیمو او بې سرپرستو ماشومانو ته یو باب روزنتون پرانیستل شو؛

naweed_admin
سه‌شنبه ۱۴۰۳/۳/۱۵ - ۱۱:۹
E


د کار او ټولنیزو چارو وزارت د ټولنیزو چارو معین او وارسي کوونکي شیخ عبدالبر د یوه پلاوي په مشرۍ؛  پکتيا ولايت ته د خپل سفر په ترڅ کې د دې ولایت د ٦٠٠ تنو یتیمو او بې پرستو ماشومانو لپاره روزنتون پرانیست.
پرانست غونډه کې چې د پکتيا ولايت د کار او ټولنیزو چارو رئیس قاري محمد رحیم نصرت، د مختلفو ولایتي ادارو مسؤلینو، علمای کرامو او قومي مشرانو حضور درلود؛ د ولايت مرستيال والي شیخ انعام الله صلاح الدین مېلمنو ته دښه راغلاست سربېره؛ د روزنتون پرانسته د یتیمو او بې سرپرستو ماشومانو څخه د ملاتړ او کفالت په برخه کې مهم اقدام وباله او د کار او ټولنیزو چارو د وزارت له هڅو يې مننه وکړه، په همدې توګه یې د روزنتون له مسؤلینو يې هم غوښتنه درلوده چې د روزنتون ماشومانو  په تعلیم او تربیه کې خپل مکلفیتونه په ښه ډول ترسره کړي.
ورپسې د کار او ټولنیزو چارو وزارت معين او وارسي کوونکي شيخ عبدالبر خپله وینا کې څرګنده کړه: دا وزارت د خپلو مسوولیتونو په درک کولو او مالي لګښت؛ په ټول هېواد کې د یتیمو او بې سرپرستو ماشومانو څخه د ملاتړ او د دوی د کفالت په منظور روزنتونونه پرانیزي، چې ډیری ولایتونو کې ګټې اخیستنې ته سپارل شوي او پاتې نور به هم په نږدې ورځو کې پرانیستل شي او د پکتيا ولايت ته زمونږ سفر هم په همدې منظور ترسره او دلته د ٦٠٠ تنو یتیمو او بې سرپرستو ماشومانو لپاره مو د ښوونې او روزنې، اعاشې، اباتې، روغتیا او د ژوندانه ټول سهولته برابر کړي دي.شیخ عبدالبر د خپلو خبرو په دوام څرګنده کړه: روزنتونونو ته د ماشومانو جذب د ځانګړې کړنلارې د لار ښوونې مطابق ترسره کیږي او هم یې زده کوونکو ته د دیني او عصري علومو په پام کې نیولو سره، نصاب چمتو شوی او تدریس کیږي. 
د ويلو ده چې په دې سفر کې د کار او ټولنیزو چارو وزارت  معین سره د وزارت د داخلی تفتیش رئیس ملا شرف الدین شرف او د مطبوعاتو رئیس سميع الله ابراهیمي هم ملتيا کوله.

تازه خبرونه

چهارشنبه ۱۴۰۳/۳/۱۶ - ۱۱:۲۵
Background image

د کار او ټولنیزو چارو سرپرست وزیر د سنټ پټرزبرګ په اقتصادي سرمشریزه کې د ګډون په موخه روسیې ته ورسید؛

د کار او ټولنیزو چارو سرپرست وزیر الحاج ملا عبدالمنان عمري د افغانستان اسلامي امارت په استازیتوب د روسیې هېواد د سنټ پټرزبرګ په ۲۷مه اقتصادي سرمشریزه کې، چې د روان میلادي کال د جون له. . .

سه‌شنبه ۱۴۰۳/۳/۱۵ - ۱۱:۱۴
Background image

د کار او ټولنیزو چارو سرپرست وزیر د قطر شاهي هېواد د سوداګرۍ خونې له معاون سره ولیدل


د کار او ټولنیزو چارو سرپرست وزير الحاج ملاعبدالمنان عمري؛ قطر شاهي هېواد ته د خپل سفر په ترڅ کې نن د هغه هېواد د سوداګرۍ خونې له لومړي معاون ښاغلي  محمد بن احمد الطوار الکواري او نورو. . .

سه‌شنبه ۱۴۰۳/۳/۱۵ - ۱۱:۹
Background image

پکتيا ولايت کې ٦٠٠ تنو یتیمو او بې سرپرستو ماشومانو ته یو باب روزنتون پرانیستل شو؛


د کار او ټولنیزو چارو وزارت د ټولنیزو چارو معین او وارسي کوونکي شیخ عبدالبر د یوه پلاوي په مشرۍ؛  پکتيا ولايت ته د خپل سفر په ترڅ کې د دې ولایت د ٦٠٠ تنو یتیمو او بې پرستو ماشومانو. . .

بیرته خبرونو ته