پکتیا کې امارتي ادارو کاروکوونکو ته د ظرفیت لوړونې روزنیزې برنامې پیل شـــــــوې
د کار انسټیټیوټ له لوري او د پکتیا ولایت د کار او ټولنیزو چارو ریاست په همکارۍ او همغږۍ؛ د یاد ولایت اړوند امارتي ادارو کارکوونکو ته د ظرفیتلوړونې په موخه ؛ د کارکوونکو چارو مدیریت او پلان جوړونې ترنامه لاندې شپږ ورځینۍ روزنیزې برنامي پیل شوې.
په همدې مناسبت جوړې شوې غونډې ته د پکتیا ولایت د کار او ټولنیزو چارو رئیس قاري محمد رحیم نصرت په خپلو خبرو کې د کار او ټولنیزو چارو وزارت څخه راغلي پلاوي ته د ښه راغلاست سربېره وویل: د پکتیا ولایت اړوند امارتي ادارو کارکوونکو ته په یادو برخو کې د ظرفیتلوړنې روزنیزو برنامو په لار اچول ګټور او مؤثر ګام دی، ترڅو د امارتي ادارو کارکوونکو ته په کاري چاپیریال کې شته ستونزې حل او په خپل وخت سره چارو ته رسېدنه وشي.
همداراز نوموړي په خپلو خبرو کې له ګډونوالو وغوښتل؛ چې په دې روزنیزو برنامو کې له ترلاسه شویو زدهکړو، مهارتونو او تجربو څخه په خپلو ورځنیو فعالیتونو کې استفاده وکړي؛ ترڅو هېوادوالو ته غوره او ګټور خدمات وړاندې شي.
